Apple-ը կիբերանվտանգության հետազոտողներին առաջարկում է մինչև 1 միլիոն դոլար՝ iPhone-ների խոցելիությունը բացահայտելու համար: Անվտանգության խոստացված վարձատրության չափը ռեկորդային է ընկերության համար։
Ի տարբերություն այլ տեխնոլոգիական ընկերությունների, Apple-ը նախկինում պարգևատրում էր միայն վարձու աշխատողներին, ովքեր փնտրում էին խոցելիություններ iPhone-ներում և ամպային կրկնօրինակումներում:
Black Hat անվտանգության ամենամյա կոնֆերանսի շրջանակներում հայտարարվեց, որ բոլոր հետազոտողները այժմ կարող են հույս դնել պարգևների վրա՝ խոցելի թերություններ հայտնաբերելու համար: Մասնագետը, ով կհայտնաբերի խոցելիություն, որն ապահովում է հեռահար մուտք դեպի iPhone-ի միջուկ՝ առանց սմարթֆոնի օգտագործողի կողմից որևէ գործողության, կկարողանա ստանալ 1 մլն դոլար։
Նախկինում պարգևատրման առավելագույն գումարը կազմում էր $200, և այս կերպ հայտնաբերված սխալները ուղղվում էին սարքի ծրագրային ապահովման թարմացումների միջոցով: Նշվել է նաև, որ ընկերությունը ձեռնարկելու է մի շարք քայլեր՝ ուղղված գիտահետազոտական գործունեության դյուրացմանը։ Մասնավորապես, Apple-ը պատրաստ է տրամադրել մոդիֆիկացված iPhone, որտեղ անվտանգության որոշ գործառույթներ անջատված են։
Նախկինում լրատվամիջոցները գրում էին, որ պետական կազմակերպությունները և երրորդ կողմի ընկերությունները առաջարկում են մինչև 2 միլիոն դոլար՝ iPhone-ի կոտրման ամենաարդյունավետ մեթոդների համար, որոնք թույլ են տալիս կորզել սարքի հիշողության մեջ պահվող տեղեկատվությունը: Այժմ Apple-ը պատրաստ է վճարել այնպիսի պարգև, որն իր չափերով համեմատելի է որոշ երրորդ կողմի ընկերությունների կողմից առաջարկվող գումարների հետ:
Հիշեցնենք, որ որոշ մասնավոր ընկերություններ, այդ թվում՝ իսրայելական NSO Group-ը, պետական կառույցներին վաճառում են սմարթֆոնների կոտրման տեխնոլոգիաներ։ Ընկերության ներկայացուցիչներն ասում են, որ իրենց ստեղծած տեխնոլոգիաները լիցենզավորված են հետախուզական և իրավապահ մարմինների կողմից՝ կանխելու և հետաքննելու տարբեր տեսակի հանցագործությունները։
Source: 3dnews.ru