Apple-ը բանակցություններ է վարում Intel-ի հետ Intel-ի սմարթֆոնների մոդեմների բիզնեսի մի մասի հնարավոր ձեռքբերման շուրջ, հաղորդում է The Wall Street Journal-ը (WSJ): Apple-ի հետաքրքրությունը Intel տեխնոլոգիաների նկատմամբ բացատրվում է սմարթֆոնների համար սեփական մոդեմային չիպերի մշակումն արագացնելու ցանկությամբ։
WSJ-ի տվյալներով՝ Intel-ն ու Apple-ը բանակցություններ են սկսել անցած ամառ։ Քննարկումները շարունակվեցին մի քանի ամիս և ավարտվեցին մոտավորապես նույն ժամանակ, երբ Apple-ը կարգավորեց իր վեճը Qualcomm-ի հետ:
Intel-ի աղբյուրները WSJ-ին հայտնել են, որ ընկերությունը դիտարկում է «ռազմավարական այլընտրանքներ» սմարթֆոնների մոդեմների իր բիզնեսի համար և շարունակում է շահագրգռված այն վաճառել Apple-ին կամ մեկ այլ ընկերության:
Այս ամսվա սկզբին Intel-ը հայտարարեց, որ դուրս է գալիս 5G սմարթֆոնի մոդեմների բիզնեսից: Այս մասին հայտնի դարձավ ընդամենը մի քանի ժամ անց այն բանից հետո, երբ Apple-ը և Qualcomm-ը հայտարարեցին, որ իրենք լուծել են հակամարտությունը և կնքել մատակարարման նոր պայմանագիր։
Անցյալ ուրբաթ Intel-ի գործադիր տնօրեն Ռոբերտ Սվանը , որ ընկերության՝ 5G բջջային ցանցի շուկան լքելու որոշումը պայմանավորված է Apple-ի և Qualcomm-ի համագործակցության վերսկսմամբ։ Դրանից հետո Intel-ը եկել է այն եզրակացության, որ շուկայի այս հատվածում շահութաբեր գործունեության հեռանկարներ չունի։
Source: 3dnews.ru