Միացյալ Նահանգների արտոնագրերի և ապրանքանիշերի գրասենյակը (USPTO) Apple-ին տրամադրել է բջջային սարքերի կենսաչափական նույնականացման մի շարք արտոնագրեր:
Խոսքը մատնահետքերի սկանավորման նոր համակարգի մասին է։ Ինչպես տեսնում եք նկարներում, Apple կայսրությունը մտադիր է այն օգտագործել iPhone սմարթֆոններում՝ սովորական Touch ID սենսորի փոխարեն։
Առաջարկվող լուծումը ենթադրում է հատուկ էլեկտրոակուստիկ փոխարկիչների օգտագործում, որոնք սարքի առջևի վահանակի հատուկ թրթռում են առաջացնում։ Դրա շնորհիվ սմարթֆոնի գրեթե ողջ դիմային մակերեսը կարող է ծառայել որպես մատնահետքի սկաներ։
Այսպիսով, Apple-ը կկարողանա iPhone-ի նոր մոդելները համալրել ամբողջովին առանց շրջանակի դիսփլեյով՝ այլեւս կարիք չի լինի էկրանի տակ տեղ թողնել ավանդական Touch ID սենսորի համար։
Արտոնագրային հայտերը Apple կայսրությունը ներկայացրել է դեռ 2016 թվականի սեպտեմբերին, իսկ մշակումը գրանցվել է այս տարվա ապրիլի 30-ին։ Դեռևս ոչինչ չկա այն մասին, թե երբ է Apple-ը նախատեսում օգտագործել նոր տեխնոլոգիան կոմերցիոն սարքերում:
Source: 3dnews.ru