Հայտնի է դարձել, որ ՄԱԿ-ի պաշտոնյաներին արգելվում է WhatsApp մեսենջերն օգտագործել աշխատանքային նպատակներով, քանի որ այն համարվում է ոչ անվտանգ։
Այս հայտարարությունն արվել է այն բանից հետո, երբ դարձավ որ Սաուդյան Արաբիայի թագաժառանգ Մուհամեդ բեն Սալման Ալ Սաուդը կարող է մասնակցել Amazon-ի գործադիր տնօրեն Ջեֆ Բեզոսի սմարթֆոնի կոտրմանը։ Այս եզրակացությանն են հանգել անկախ ամերիկացի փորձագետները, ովքեր հայտնել են, որ իրենք տեղեկություն ունեն, որ Ջեֆ Բեզոսի iPhone-ը կոտրվել է Սաուդյան Արաբիայի թագաժառանգի WhatsApp-ից ուղարկված վնասակար վիդեո ֆայլի միջոցով։
«ՄԱԿ-ի բարձրաստիճան պաշտոնյաներին հանձնարարվել է չօգտագործել WhatsApp-ը, քանի որ այն անվտանգ չէ», - ասել է ՄԱԿ-ի խոսնակ Ֆարհան Հակը այն հարցին, թե արդյոք ՄԱԿ-ի գլխավոր քարտուղար Անտոնիո Գուտերեշն օգտագործում է WhatsApp-ը գործնական հաղորդակցության համար: Նա նաև հավելել է, որ WhatsApp-ը չօգտագործելու ԱՄՆ հրահանգը ՄԱԿ-ը ստացել է անցյալ տարվա հունիսին։
Facebook-ը մի կողմ չի կանգնել՝ մեկնաբանելով ՄԱԿ-ի ներկայացուցչի այս հայտարարությունը։ «Յուրաքանչյուր անձնական հաղորդագրություն պաշտպանված է ծայրից ծայր կոդավորումով՝ թույլ չտալու համար որևէ մեկին դիտել օգտվողների զրույցները: Կոդավորման տեխնոլոգիան, որը մենք մշակել ենք Signal-ի հետ, բարձր է գնահատվում անվտանգության փորձագետների կողմից և մնում է լավագույնը հասանելի ամբողջ աշխարհի օգտատերերի համար»,- ասել է WhatsApp-ի հաղորդակցության գլխավոր տնօրեն Կարլ Վուգը:
Source: 3dnews.ru