Facebook-ը զեկուցել է 2019-ի վերջին եռամսյակում իր աշխատանքի մասին և տարին ամբողջությամբ ավարտվել է՝ սոցցանցի օգտատերերի թիվը շարունակում է աճել։
Facebook-ի եկամուտը եռամսյա ժամանակահատվածում կազմել է 21,08 միլիարդ դոլար, ինչը քառորդով (25 տոկոսով) ավելի է, քան 2018 թվականի վերջին եռամսյակի արդյունքը, երբ ընկերությունը ստացել է 16,91 միլիարդ դոլար եկամուտ:
Եռամսյակային զուտ եկամուտն աճել է մոտավորապես 7%-ով, $6,88 մլրդ-ից հասնելով $7,35 մլրդ-ի, մեկ բաժնետոմսի շահույթը կազմել է $2,56։
Facebook-ի ամսական ակտիվ օգտատերերը դեկտեմբերի 31-ի դրությամբ հասել են 2,5 միլիարդի։ Սա 8%-ով ավելի է, քան մեկ տարի առաջ։
Սոցցանցից այժմ ամեն օր օգտվում է 1,66 միլիարդ բաժանորդ։ Տարեկան աճը կազմել է 9%:
2019 թվականին Facebook-ի եկամուտն ընդհանուր առմամբ հասել է 70,70 միլիարդ դոլարի: Համեմատության համար նշենք, որ 2018 թվականին ընկերության եկամուտը կազմել է 55,84 միլիարդ դոլար: Այսպիսով, տարվա ընթացքում այդ ցուցանիշն աճել է 27 տոկոսով:
Սակայն տարեկան զուտ եկամուտը նվազել է 16%-ով, $22,11 մլրդ-ից հասնելով $18,49 մլրդ-ի, մեկ բաժնետոմսի շահույթը կազմել է $6,43։
Facebook-ը շարունակում է իր եկամուտների առյուծի բաժինն ապահովել գովազդից։ Նշվում է նաև, որ տարվա ընթացքում ընկերության աշխատակիցների թիվը աճել է մեկ քառորդով՝ դեկտեմբերի վերջին կազմելով 44 աշխատակից։
Source: 3dnews.ru