Denuvo ընկերությունը, որը զբաղվում է համանուն DRM պաշտպանության ստեղծմամբ և մշակմամբ, ներկայացրել է բջջային տեսախաղերի նոր ծրագիր։ Ըստ մշակողների՝ դա կօգնի պաշտպանել բջջային համակարգերի նախագծերը հաքերներից։
Մշակողները նշել են, որ նոր ծրագրակազմը թույլ չի տա հաքերներին մանրամասն ուսումնասիրել ֆայլերը։ Դրա շնորհիվ ստուդիաները կկարողանան եկամուտներ պահպանել բջջային տեսախաղերից։ Նրանց խոսքով՝ այն աշխատելու է շուրջօրյա, իսկ դրա իրականացումը լուրջ ջանքեր չի պահանջի։
«Բջջային խաղերի գալուստը տեսախաղերի արդյունաբերության մեջ բացել է չափազանց շահութաբեր տարածք: Հաքերների համար կան նաև նոր բացեր: Առանց հիմնարար պաշտպանության, խարդախները կկարողանան օգտվել նախագծի թույլ կողմերից և վտանգի տակ դնել ծրագրավորողների հեղինակությունը և խաղացողների անձնական տվյալները»,- ասել է Denuvo-ի գործադիր տնօրեն Ռայնհարդ Բլաուկովիչը:
Ակնկալվում է, որ Denuvo բջջային պաշտպանությունը կներառի կարգավորելի պաշտպանության մակարդակներ, տվյալների գաղտնալսման պաշտպանություն, ֆայլերի ամբողջականության ստուգում և այլն: Արդյոք դա կազդի սարքերի աշխատանքի վրա, դեռևս հայտնի չէ: Հիշեցնենք, որ DRM-ի պաշտպանությունը համակարգչի վրա տարբեր դեպքերում նվազեցնում է խաղերի կատարումը։ Այս մասին կարող եք կարդալ ավելին
Source: 3dnews.ru