Apple Watch-ի նոր հնարավորություններից մեկն այն է, որ կարող է ստուգել՝ արդյոք օգտատերը սրտի անկանոն բաբախյուն ունի, թե՞ բժշկական լեզվով ասած՝ նախասրտերի ֆիբրիլացիա:
Այդպիսի մարդկանցից մեկը Նյու Յորքի համալսարանի դոկտոր Ջոզեֆ Վիզելն է, ով ներկայումս դատի է տալիս Apple-ին Apple Watch-ի նախասրտերի ֆիբրիլյացիայի հայտնաբերման ֆունկցիայի պատճառով: Իր հայցում պարոն Վիզելը պնդում է, որ Apple Watch-ի առանձնահատկությունն ակնհայտորեն խախտում է իր արտոնագիրը, որը նշանավորեց բեկումնային քայլեր առիթմիայի մոնիտորինգում:
Ջոզեֆ Վիզելը արտոնագիր է ստացել դեռևս 2006 թվականին, այն նկարագրում է, թե ինչպես կարելի է հետևել անկանոն սրտի բաբախյուններին ժամանակային ընդմիջումներով: Բժիշկը նաև պնդում է, որ ինքը Apple-ին դիմել է դեռևս 2017 թվականին՝ հնարավոր համագործակցության մասին, սակայն, ըստ երևույթին, վերջինս չի ցանկացել աշխատել իր հետ։ Իր հայցում պարոն Վիզելը խնդրում է դատարանին արգելել Կուպերտինոյի ընկերությանը օգտագործել տեխնոլոգիան, ինչպես նաև վճարել հոնորարներ, որոնք, իր կարծիքով, իրեն են պատկանում։
Անհասկանալի է, թե ինչպես կլուծվի այս գործը. հնարավոր է, որ Apple-ը և Ջոզեֆ Վիզելը կարող են ինչ-որ համաձայնության գալ, բայց, իհարկե, առաջին անգամը չէ, որ ընկերությունը մեղադրվում է մեկ ուրիշին պատկանող արտոնագիրը խախտելու մեջ: Նման դեպքերը բավականին տարածված են խոշոր տեխնոլոգիական ընկերությունների շրջանում, որոնք մշտապես գտնվում են ուշադրության կենտրոնում։
Source: 3dnews.ru