Dropbox-ը անաղմուկ հրապարակել է մի ծրագիր, որը նախատեսված է Google Play հավելվածների խանութում օգտատերերի գաղտնաբառերը կառավարելու համար: Dropbox Passwords կոչվող հավելվածը գաղտնաբառերի կառավարիչ է, որը ներկայումս գտնվում է փակ բետա տարբերակում և հասանելի է միայն Dropbox-ի առկա հաճախորդներին հրավերով:
Հավելվածի ինտերֆեյսը հիշեցնում է գաղտնաբառերի կառավարիչների մեծ մասը, ինչպիսիք են LastPass-ը կամ 1Password-ը, սակայն նախագծված է ավելի մինիմալիստական մոտեցմամբ: Dropbox Password-ը հնարավորություն ունի համաժամեցնել գաղտնաբառերը օգտվողի բոլոր սարքերում: Ծրագիրն աջակցում է «զրոյական գիտելիքների կոդավորումը», ինչը նշանակում է, որ միայն սեփականատերն ունի մուտք դեպի իրենց գաղտնաբառերը: Հավելվածն աջակցում է նաև ավտոմատ լրացման գործառույթը, այնպես որ կարող եք մուտք գործել կայքեր կամ հավելվածներ ընդամենը մեկ սեղմումով:
Dropbox Password-ը կարելի է ներբեռնել Google Play-ից, սակայն այն կկարողանան օգտագործել միայն այն օգտվողները, ովքեր ստացել են բետա-ին մասնակցելու հրավեր: Չհաստատված տեղեկություններ կան, որ հավելվածը հետագայում կթողարկվի iOS-ի համար։ Չնայած Google Play-ում Dropbox Password-ի առկայությանը, ընկերությունը դեռ պաշտոնապես չի հայտարարել դրա մասին:
Source: 3dnews.ru