Ազգային գիտական հիմնադրամը (NSF) ներկայացրել է Արեգակի մակերևույթի մինչ օրս արված առավել մանրամասն լուսանկարները:
Նկարահանումն իրականացվել է Daniel K. Inouye Solar Telescope (DKIST) միջոցով։ Հավայան կղզիներում գտնվող այս սարքը հագեցած է 4 մետրանոց հայելիով։ Մինչ օրս DKIST-ը ամենամեծ աստղադիտակն է, որը նախատեսված է մեր աստղը ուսումնասիրելու համար:
Սարքն ի վիճակի է «ուսումնասիրել» Արեգակի մակերեսին 30 կմ տրամագծով գոյացություններ: Ներկայացված պատկերը հստակ ցույց է տալիս բջջային կառուցվածքը. յուրաքանչյուր գոտու չափը համեմատելի է ամերիկյան Տեխաս նահանգի տարածքի հետ:
Բջիջների պայծառ տարածքներն այն գոտիներն են, որոնցում պլազման դուրս է գալիս Արեգակի մակերես, իսկ մուգ եզրերն այն վայրերն են, որտեղ այն ետ է ընկնում: Այս գործընթացը կոչվում է կոնվեկցիա:
Ակնկալվում է, որ Daniel Inouye արևային աստղադիտակը մեզ թույլ կտա որակապես նոր տվյալներ հավաքել մեր աստղի մասին և ավելի մանրամասն ուսումնասիրել արեգակնային-երկրային կապերը կամ այսպես կոչված տիեզերական եղանակը։ Ինչպես հայտնի է, Արեգակի վրա գործունեությունը ազդում է Երկրի մագնիտոսֆերայի, իոնոսֆերայի և մթնոլորտի վրա։
Source: 3dnews.ru