Գերմանիայի կառավարությունը դեմ է Եվրամիությունում թվային արժույթի օգտագործման կարգավորող թույլտվությանը, ուրբաթ գրել է Der Spiegel ամսագիրը՝ վկայակոչելով Գերմանիայի պահպանողական CDU կուսակցության անդամին, որի առաջնորդը կանցլեր Անգելա Մերկելն է։
CDU-ի պատգամավոր Թոմաս Հեյլմանը Spiegel-ին տված հարցազրույցում ասել է, որ երբ թվային արժույթի թողարկողը սկսի գերիշխել շուկայում, մրցակիցները դժվարություններ կունենան՝ հավելելով, որ Սոցիալ-դեմոկրատական կուսակցության (SPD) կոալիցիոն գործընկերները նույն կարծիքին են։
Իր հերթին Ֆրանսիայի ֆինանսների նախարարությունը ուրբաթ օրը հայտնել է, որ Ֆրանսիան և Գերմանիան պայմանավորվել են արգելափակել Facebook սոցիալական ցանցի Libra կրիպտոարժույթը։
Համատեղ հայտարարության մեջ երկու կառավարություններն ընդգծել են, որ ոչ մի մասնավոր անձ չի կարող հավակնել դրամական իշխանությանը, որը ազգերի ինքնիշխանության անբաժանելի մասն է։
Ավելի վաղ Ֆրանսիայի ֆինանսների նախարար Բրունո Լը Մերը հայտարարել էր, որ Facebook-ի նոր կրիպտոարժույթը չպետք է գործի Եվրոպայում ինքնիշխանության և շարունակական ֆինանսական ռիսկերի առկայության պատճառով։
Source: 3dnews.ru