Փետրվարի 11-ին, ինչպես մենք արդեն , նախատեսվում է ճկուն դիսփլեյով հագեցած Samsung Galaxy Z Flip խցիկավոր սմարթֆոնի շնորհանդես։ Համացանցային աղբյուրները նոր տեղեկություն են հրապարակել այս սարքի մասին։
Մասնավորապես, տեղեկություններ են հայտնվել սարքի գունային տարբերակների մասին։ Ենթադրվում է, որ սկզբում հարավկորեական հսկան Galaxy Z Flip-ը կառաջարկի դիզայնի չորս տարբերակով։ Այս գույներն են՝ ոսկեգույն, սև և մանուշակագույն։
Բացի այդ, սմարթֆոնի տարբերակը կթողարկվի արծաթագույն պատյանով՝ որոշակի «ֆուտբոլային ոճի» նախշով։ Սակայն դեռ լիովին պարզ չէ, թե կոնկրետ ինչպիսի տեսք կունենա նման սարքը։
Ակնկալվում է, որ ապագայում Galaxy Z Flip-ը կթողարկվի ևս մի քանի գույներով։ Դրանց թվում են կարմիրը, կապույտը և վարդագույնը։ Հավանական է, որ սարքը նույնպես կհայտնվի սպիտակ գույնով։
Ըստ առկա տվյալների՝ նոր արտադրանքը կստանա 6,7 դյույմանոց ճկուն Dynamic AMOLED էկրան, Snapdragon 855 Plus պրոցեսոր, երկու 12 մեգապիքսելանոց սենսորներով տեսախցիկ և 15 վտ լիցքավորման աջակցությամբ մարտկոց։
Հայտնի է, որ դիմային տեսախցիկը տեղակայվելու է էկրանի փոքրիկ անցքում։ Բացի այդ, նշվում է արտաքին էկրան՝ օգտակար տեղեկատվություն ցուցադրելու համար:
Source: 3dnews.ru