Google Pixel 4a սմարթֆոնն այս տարվա ամենասպասված սարքերից մեկն է։ Դրա մասին արդեն հայտնի է գրեթե ամեն ինչ, սակայն սարքի թողարկումն անընդհատ հետաձգվում է։ Այժմ, Ֆրանսիայում COVID-19 կոնտակտների հետագծման հավելվածի գործարկման ժամանակ Pixel 4a-ն հայտնվել է StopCovid-ի հետ համատեղելի սարքերի ցանկում։
Fandroid-ի մասնագետները հայտնաբերել են սարքերի պաշտոնական ցուցակը, որոնք աջակցվում են կորոնավիրուսային կոնտակտների հետագծման հավելվածով, որն այսօր հրապարակվել է Google Play-ում Ֆրանսիայի բնակիչների համար։ Հատկանշական է, որ այս հավելվածը չի օգտագործում Google-ի մասնագիտացված API։ Ցանկը ցույց է տալիս այն սարքերը, որոնց վրա փորձարկվել է հավելվածը, որտեղ ներառված են նաև Huawei-ի, Xiaomi-ի և շատ այլ սմարթֆոններ։ Pixel 4a-ն նշված է Sunfish ծածկանունով` առանց ապրանքանիշի կամ մոդելի նշելու:
Այստեղից կարելի է եզրակացնել, որ հավելվածի մշակողներից մեկը կարողացել է այն փորձարկել այն սմարթֆոնի վրա, որը դեռևս չէր թողարկվել լայն հանրության համար։ Ճակատագրի հեգնանքով, սարքը դեռևս չներկայացվելու պատճառը պայմանավորված է, գոնե մասամբ, շարունակվող համաճարակով և դրա հետևանքով:
Source: 3dnews.ru