Այս տարի չինական Huawei ընկերությունը թողարկեց իր սեփական՝ Harmony OS օպերացիոն համակարգը, որը կարող է փոխարինել Android-ին, եթե արտադրողն այլևս չկարողանա օգտագործել Google-ի ծրագրային հարթակն իր սարքերում։ Հատկանշական է, որ Harmony OS-ը կարելի է օգտագործել ոչ միայն սմարթֆոններում և պլանշետային համակարգիչներում, այլ նաև այլ տեսակի սարքերում։
Այժմ ցանցի աղբյուրները հայտնում են, որ հաջորդ տարի Harmony OS-ի մասնաբաժինը համաշխարհային շուկայում կհասնի 2%-ի, ինչը ծրագրային հարթակը կդարձնի աշխարհում հինգերորդը և թույլ կտա առաջ անցնել Linux-ից։ Զեկույցում նշվում է նաև, որ մինչև հաջորդ տարվա վերջ Harmony OS-ը Չինաստանում կունենա 5% շուկայական մասնաբաժին։
Հիշեցնենք, որ ներկայումս աշխարհում ամենատարածված օպերացիոն համակարգը Android-ն է, որի մասնաբաժինը կազմում է 39%: Երկրորդ հորիզոնականը պատկանում է Windows-ին, որը տեղադրված է սարքերի 35%-ի վրա, իսկ առաջատար եռյակը եզրափակում է iOS ծրագրային հարթակը 13,87% շուկայական մասնաբաժնով։ Առաջատարներին հաջորդում են macOS-ն ու Linux-ը՝ համապատասխանաբար զբաղեցնելով շուկայի 5,92%-ը և 0,77%-ը։
Ինչ վերաբերում է Harmony OS-ին, ապա պետք է սպասել, որ այն ապագայում կհայտնվի ավելի շատ սարքերում: Այս տարի ներկայացվեցին Honor Vision TV-ն և Huawei Smart TV-ն, որն աշխատում է Harmony OS-ով։ Սակայն ընկերության ներկայացուցիչները նշում են, որ Harmony OS-ով սմարթֆոնները դեռ չեն թողարկվի։ Ամենայն հավանականությամբ, Huawei-ը սեփական օպերացիոն համակարգի վրա հիմնված առաջին սմարթֆոնները կթողարկի ներքին շուկայում, որտեղ Google հավելվածների ու ծառայությունների դերն այնքան մեծ չէ, որքան այլ երկրներում։
Source: 3dnews.ru