Samsung-ը, ըստ առցանց աղբյուրների, պատրաստում է Galaxy A-Series-ի միջին մակարդակի սմարթֆոնների ընտանիքի համապարփակ թարմացում։
Մասնավորապես, հարավկորեական հսկայի պլանների մեջ է մտնում Galaxy A11, Galaxy A31 և Galaxy A41 սարքերի թողարկումը։ Դրանք հայտնվում են համապատասխանաբար SM-A115X, SM-A315X և SM-A415X ծածկագրերով:
Սմարթֆոնների տեխնիկական բնութագրերի մասին դեռ քիչ տեղեկություններ կան։ Ասվում է, որ 2020 մոդելային շարքի Galaxy A-Series սարքերի մեծ մասը հիմնական տարբերակում 64 ԳԲ ֆլեշ հիշողություն կունենան: Ավելի արդյունավետ տարբերակները կստանան 128 ԳԲ հզորությամբ ֆլեշ կրիչ:
Ակնհայտ է, որ գրեթե բոլոր նոր սմարթֆոնները կստանան բազմամոդուլային հիմնական տեսախցիկ։ Շատ սարքեր կունենան էկրան՝ առջեւի տեսախցիկի կտրվածքով կամ անցքով:
Հաղորդվում է, որ 2020 մոդելային շարքի առաջին Galaxy A-Series սմարթֆոնները կարող են դեբյուտ ունենալ մինչև այս տարվա վերջ։
Հավելենք, որ Samsung-ը սմարթֆոնների խոշորագույն արտադրողն է աշխարհում։ Նախորդ տարվա երրորդ եռամսյակում հարավկորեական ընկերությունը, IDC-ի գնահատականների համաձայն, առաքել է 78,2 մլն սարք՝ զբաղեցնելով համաշխարհային շուկայի 21,8%-ը։
Source: 3dnews.ru