Չիպերի նախագծման և արտադրության HiSilicon ընկերությունը, որն ամբողջությամբ պատկանում է Huawei Technologies-ին, ուրբաթ ասել է, որ վաղուց պատրաստվել է «ծայրահեղ սցենարի», որի դեպքում չինացի արտադրողին կարող են արգելել գնել ամերիկյան չիպեր և տեխնոլոգիաներ: Այդ կապակցությամբ ընկերությունը նշել է, որ կարողանում է ապահովել Huawei-ի գործունեության համար անհրաժեշտ արտադրանքի մեծ մասի կայուն մատակարարումները։
Reuters-ի փոխանցմամբ՝ HiSilicon-ի նախագահ Հե Տինգբոն այս մասին հայտնել է մայիսի 17-ին աշխատակիցներին ուղղված նամակում՝ անմիջապես այն բանից հետո, երբ ԱՄՆ-ն պաշտոնապես արգելել է Huawei-ին գնել ամերիկյան տեխնոլոգիաներ՝ առանց հատուկ թույլտվության։
HiSilicon-ի նախագահն ընդգծել է, որ ընկերությունը կարողանում է «ռազմավարական անվտանգություն» ապահովել չինական արտադրողի արտադրանքի մեծ մասի համար՝ հավելելով, որ Huawei-ը նպատակ է դրել լինել տեխնոլոգիապես ինքնաբավ։
Source: 3dnews.ru