Չինական տեխնոլոգիական հսկան Huawei անցյալ ամիս
Atherton Research-ի գլխավոր վերլուծաբան Ջեբ Սուն պատկերները հրապարակել է Twitter-ում՝ հավելելով, որ Huawei-ը «հոկտեմբերի 17-ին Փարիզում կներկայացնի սմարթֆոնների նոր կատեգորիա»: Պատկերը ցույց է տալիս մի սարք, որի էկրանը չունի խազ կամ անցքեր:
Հնարավոր է, որ չինական ընկերությունը պատրաստվում է ներկայացնել սմարթֆոն՝ դիսփլեյի մակերեսի տակ տեղադրված դիմային տեսախցիկով։ Այս տարեսկզբին ցուցադրվել են սմարթֆոնի նախատիպերը, որոնք ունեն էկրանի տակ տեսախցիկ: Քանի որ չինական ընկերությունը վերջերս ներկայացրել է իր առաջատար սմարթֆոնները, դժվար է ասել, թե արդյոք նրա ծրագրերն իրականում ներառում են այս տարի մեկ այլ սարքի թողարկում:
Հաղորդագրության մեջ նշվում է, որ ֆրանսիական լրատվամիջոցները ստացել են հոկտեմբերի 17-ին նախատեսված Huawei միջոցառմանը մասնակցելու հրավեր։ Աղբյուրը մանրամասնում է, որ նամակում, որը լրագրողները ստացել են Ֆրանսիայից, խոսվում է սմարթֆոնների նոր շարքի շնորհանդեսի մասին։ Huawei-ի պաշտոնական ներկայացուցիչները դեռ չեն մեկնաբանել այս հարցը։ Թե իրականում ինչ է պատրաստվում ներկայացնել չինական ընկերությունը եվրոպական շուկայում, հայտնի կդառնա հաջորդ շաբաթ, երբ կկայանա նախատեսված միջոցառումը։
Source: 3dnews.ru