Huawei-ի գործադիր տնօրեն Ռիչարդ Յուն ասել է, որ ընկերությունն ակնկալում է ընթացիկ տասնամյակի ընթացքում դառնալ առաջատար սմարթֆոնների համաշխարհային շուկայում։
IDC-ի գնահատականներով՝ Huawei-ն այժմ երրորդ տեղում է սմարթֆոնների առաջատար արտադրողների ցանկում։ Անցյալ տարի այս ընկերությունը վաճառել է 206 միլիոն «խելացի» բջջային սարք՝ կազմելով համաշխարհային շուկայի 14,7%-ը։
Միևնույն ժամանակ, Huawei-ն արագորեն ավելացնում է «խելացի» բջջային սարքերի վաճառքը։ Օրինակ, EMEA տարածաշրջանում (Եվրոպա, ներառյալ Ռուսաստանը, Մերձավոր Արևելքը և Աֆրիկան), ընկերությունը անցյալ տարվա չորրորդ եռամսյակում ավելացրել է սմարթֆոնների մատակարարումները 73,7%-ով։ Huawei-ի մասնաբաժինը համապատասխան շուկայում կազմում է 21,2%: Ընկերությունը զիջում է միայն հարավկորեական Samsung հսկային, որը զբաղեցնում է EMEA սմարթֆոնների շուկայի 28,0%-ը։
Ռիչարդ Յուի խոսքով՝ Huawei-ը մինչև 2020 թվականի վերջ կկարողանա առաջ անցնել Samsung-ից խելացի բջջային սարքերի վաճառքով։ Սա նշանակում է, որ Huawei-ն առաջատար կդառնա համապատասխան շուկայում։
Միաժամանակ Huawei-ի ղեկավարը խոստովանում է, որ առաջիկա տարիներին Samsung-ը կմնա ընկերության գլխավոր մրցակիցը սմարթֆոնների հատվածում։ Բացի այդ, Huawei-ը Apple-ում լուրջ մրցակից է տեսնում։
Source: 3dnews.ru