Ծրագրավորողների և մշակողների ամենամյա համաժողովը՝ Microsoft Build-ը, դարձավ կորոնավիրուսի զոհ. միջոցառումն այս տարի չի անցկացվի իր ավանդական ձևաչափով։
Microsoft Build առաջին համաժողովը կազմակերպվել է 2011թ. Այդ ժամանակվանից միջոցառումն ամեն տարի անցկացվում է Միացյալ Նահանգների տարբեր քաղաքներում, այդ թվում՝ Սան Ֆրանցիսկոյում (Կալիֆորնիա) և Սիեթլում (Վաշինգտոն): Համաժողովին ավանդաբար մասնակցում էին հազարավոր վեբ մշակողներ և ծրագրային ապահովման մասնագետներ։
Սպասվում էր, որ այս տարվա միջոցառումը տեղի կունենա Սիեթլում մայիսի 19-ից 21-ը։ Այնուամենայնիվ, նոր կորոնավիրուսի բռնկման պատճառով, որն ամբողջ աշխարհում արդեն սպանել է մոտ 5 հազար մարդու, Microsoft կորպորացիան փոխել է իր ծրագրերը։
«Մեր համայնքի անվտանգությունը առաջնահերթ խնդիր է: Վաշինգտոն նահանգի իշխանությունների հանրային առողջության վերաբերյալ առաջարկությունների լույսի ներքո՝ մենք որոշել ենք Microsoft Build մշակողների ամենամյա միջոցառումը տեղափոխել թվային ձևաչափ»,- ասվում է Redmond հսկայի հայտարարության մեջ:
Այսինքն՝ համաժողովն անցկացվելու է վիրտուալ տարածքում։ Սա թույլ կտա խուսափել մեծ թվով մարդկանց կուտակումներից, որոնք կապված են հիվանդության հետագա տարածման վտանգի հետ:
Source: 3dnews.ru