Չարամիտ ծրագրերի քանակը նվազել է, սակայն կիբերհանցագործները սկսել են կիրառել հաքերային հարձակման ավելի ու ավելի բարդ սխեմաներ, որոնք ուղղված են կորպորատիվ հատվածին: Այս մասին է վկայում «Կասպերսկու լաբորատորիայի» կատարած հետազոտությունը։
«Կասպերսկու լաբորատորիայի» տվյալներով՝ 2019 թվականին աշխարհում յուրաքանչյուր հինգերորդ օգտատիրոջ սարքերում հայտնաբերվել է վնասակար ծրագրակազմ, ինչը 10%-ով պակաս է նախորդ տարվա համեմատ։ Կրկնակի կրճատվել է նաև հարձակվողների կողմից կիբերհարձակումներ իրականացնելու համար օգտագործվող եզակի վնասակար ռեսուրսների թիվը։ Միևնույն ժամանակ, գաղտնագրման ծրագրերի սպառնալիքները, որոնք արգելափակում են տվյալների հասանելիությունը և պահանջում են որոշակի գումարի վճարում կիբերհանցագործներին՝ արժեքավոր տեղեկատվության հասանելիությունը վերականգնելու համար:
«Մենք տեսնում ենք, որ սպառնալիքների թիվը գնալով նվազում է, բայց դրանք ավելի բարդ են դառնում։ Սա հանգեցնում է անվտանգության լուծումների և անվտանգության բաժնի աշխատակիցների առջև ծառացած խնդիրների բարդության աճի: Բացի այդ, հարձակվողները ընդլայնում են հաջող հարձակումների աշխարհագրությունը։ Այսպիսով, եթե ինչ-որ սպառնալիք հարձակվողներին օգնել է հասնել իրենց նպատակներին մի տարածաշրջանում, ապա նրանք դա կիրականացնեն աշխարհի մեկ այլ մասում: Հարձակումները կանխելու և դրանց թիվը նվազեցնելու համար մենք խորհուրդ ենք տալիս կիբերանվտանգության հմտություններ վերապատրաստել բոլոր մակարդակների և գերատեսչությունների աշխատակիցներին, ինչպես նաև պարբերաբար կատարել ծառայությունների և սարքավորումների գույքագրում», - ասում է Կասպերսկի Լաբորատորիայի հակավիրուսային առաջատար փորձագետ Սերգեյ Գոլովանովը:
«Կասպերսկու լաբորատորիայի» վերլուծական հետազոտության արդյունքների մասին լրացուցիչ տեղեկություններ կարելի է գտնել կայքում
Source: 3dnews.ru