Հայտնի է դարձել, որ այս տարվա մայիսին Microsoft-ը կարող է թողարկել Windows 10 օպերացիոն համակարգի խոշոր թարմացում, որն ի սկզբանե նախատեսված էր ապրիլին։ Խոսքը Windows 10 2004 տարբերակի մասին է, որը հայտնի է Manganese ծածկանունով և արդեն հասանելի է Insiders-ին։ Microsoft-ը պաշտոնապես հայտարարեց, որ այսօր հասանելի է դարձել Windows 10 20H1 (build 19041.173):
Microsoft-ի մշակողները վերացրել են մի շարք խնդիրներ նոր բիլդում, որոնք նկատվում էին նախորդ տարբերակում։ Խոսքը հավելվածների համատեղելիության խնդիրների մասին է, երբ որոշ ծրագրային արտադրանքի հին տարբերակները չեն գործարկվել՝ օգտատերերին հուշելով թարմացնել: Նաև շտկվել է USB-ի միջոցով միացված որոշ սարքերի սկզբնավորման ժամանակ ռեսուրսների բաշխման հետ կապված խնդիրը, ինչպես նաև մի շարք այլ սխալներ, որոնք հայտնաբերվել են ՕՀ-ի նախորդ տարբերակի փորձարկման ժամանակ:
Համաձայն առկա տվյալների՝ Windows 10-ի 2004-ի տարբերակը կներառի ամպից համակարգի վերականգնման գործառույթ և Windows Update-ի միջոցով թարմացումների հետ փոխազդեցության վերափոխված համակարգ: Բացի այդ, համակարգը կստանա մի շարք բարելավումներ Cortana ձայնային օգնականի, թարմացված ներքին որոնման համակարգի և առաջադրանքների բարելավված մենեջերի համար: Ամենայն հավանականությամբ, կլինեն այլ փոփոխություններ, որոնք ներկայումս անհայտ են օգտատերերի լայն շրջանակի համար:
Քանի որ կորոնավիրուսային համաճարակի հետևանքով ստեղծված իրավիճակը շարունակում է լարված մնալ, չի կարելի բացառել, որ Microsoft-ը հետաձգի Windows 10-ի նոր տարբերակի թողարկումը ավելի ուշ։ Հիշեցնենք, որ Windows 10-ի 2004-ի (build 19041) տարբերակը հասանելի է դարձել անցյալ տարվա դեկտեմբերին։ Այդ ժամանակվանից այն գտնվում է ակտիվ թեստավորման փուլում, և Microsoft-ի մշակողները թողարկում են ամսական կուտակային թարմացումներ՝ վերացնելով հայտնաբերված սխալները։ Ի տարբերություն Windows 10-ի (1909), որը մեծ փոփոխություն չի բերել, ապագա թարմացումը շատ ավելի գրավիչ է թվում, քանի որ օգտատերերը դրա հետ շատ նոր հնարավորություններ կստանան։
Source: 3dnews.ru