Մասաչուսեթսի տեխնոլոգիական ինստիտուտը որոշել է դադարեցնել ֆինանսական և հետազոտական հարաբերությունները Huawei և ZTE հեռահաղորդակցական ընկերությունների հետ։ Դրա պատճառը չինական ընկերությունների դեմ ամերիկյան կողմի անցկացրած հետաքննություններն էին։ Բացի այդ, MIT-ը հայտարարել է այն նախագծերի նկատմամբ վերահսկողությունը խստացնելու մասին, որոնք այս կամ այն կերպ կապված են Ռուսաստանի, Չինաստանի և Սաուդյան Արաբիայի հետ։
Հիշեցնենք, որ ավելի վաղ ԱՄՆ դատախազությունը Huawei-ին և նրա ֆինանսական տնօրեն Մեն Վանչժոուին մեղադրել էր Իրանի նկատմամբ ԱՄՆ-ի կողմից սահմանված պատժամիջոցները խախտելու մեջ։ Բացի այդ, հեռահաղորդակցության սարքավորումների չինական արտադրողին մեղադրել են առևտրային գաղտնիքները խախտելու և ՉԺՀ-ի համար լրտեսության մեջ: Չնայած այն հանգամանքին, որ Huawei-ը հերքում է բոլոր մեղադրանքները, ամերիկյան կողմը մտադիր չէ դադարեցնել հետաքննությունը՝ միաժամանակ խորհուրդ տալով իր դաշնակիցներին հրաժարվել չինական վաճառողի սարքավորումներից։ Իր հերթին ZTE-ին մեղադրել են Իրանի դեմ պատժամիջոցները խախտելու մեջ։ Նշենք, որ մինչև 2019 թվականի օգոստոս Huawei-ը կշարունակի լինել այն ընկերությունների թվում, որոնք ֆինանսավորում են MIT-ի տարբեր ոլորտներում իրականացվող հետազոտությունները։
Ինչ վերաբերում է Ռուսաստանի, Չինաստանի և Սաուդյան Արաբիայի ընկերությունների մասնակցությամբ իրականացվող նախագծերի նկատմամբ վերահսկողության ուժեղացմանը, ապա նախատեսվում է մանրամասն ուսումնասիրել արտահանման վերահսկողության, մտավոր սեփականության, տնտեսական մրցունակության, տվյալների անվտանգության և այլնի հետ կապված ռիսկերը։
Source: 3dnews.ru