Համացանցային աղբյուրները հայտնում են, որ ԱՄՆ Կապի դաշնային հանձնաժողովի (FCC) կայքում հայտնվել է Blackjack ծածկագրված նոր Motorola սմարթֆոնի մասին տեղեկություն։
Սարքը ունի XT2055-2 ծածկագիրը։ Հայտնի է, որ այն աջակցում է Wi-Fi 802.11b/g/n և Bluetooth LE անլար ցանցերին, ինչպես նաև չորրորդ սերնդի 4G/LTE բջջային ցանցերին։
Առջևի վահանակի նշված չափերն են 165 × 75 մմ, իսկ անկյունագիծը՝ 175 մմ։ Այսպիսով, կարելի է ենթադրել, որ սարքը հագեցած կլինի 6,5-6,6 դյույմանոց էկրանով։
FCC-ի փաստաթղթերում նշվում է, որ Blackjack սմարթֆոնը հագեցած է հզոր 5000 mAh մարտկոցով:
Դիտորդները կարծում են, որ XT2055-2-ը կլինի միջին կամ նույնիսկ սկզբնական մակարդակի մոդել: Միևնույն ժամանակ սարքը կունենա մարտկոցի երկար կյանք:
Հաղորդվում է նաև, որ թողարկման է պատրաստվում Motorola-ի ևս մեկ առեղծվածային սմարթֆոն՝ Edge+ սարքը։ Ենթադրվում է, որ սա կլինի առաջատար սմարթֆոն՝ կոր էկրանով, Snapdragon 865 պրոցեսորով և հինգերորդ սերնդի (5G) բջջային ցանցերի աջակցությամբ։
Source: 3dnews.ru