Motorola-ն հրավեր է ուղարկել հատուկ միջոցառմանը, որը տեղի կունենա հուլիսի 7-ին. առաջիկա շնորհանդեսին սպասվում է նորագույն սմարթֆոնների անոնսը։
Մասնավորապես, ենթադրվում է, որ կհայտնվի միջին մակարդակի նոր մոդել՝ Edge Lite սարքը։ Այս սարքին վերագրվում է 6,7 դյույմանոց էկրան՝ 2520 × 1080 պիքսել թույլատրությամբ (Full HD+ ձևաչափով) և Qualcomm Snapdragon 765G պրոցեսոր՝ հինգերորդ սերնդի բջջային կապի աջակցությամբ։ Առջևի մասում, ենթադրաբար, կլինի 8 և 2 միլիոն պիքսել ունեցող սենսորների վրա հիմնված երկակի տեսախցիկ։ Հետևի քառակուսի տեսախցիկը կմիավորի 48, 16, 8 և 5 միլիոն պիքսելանոց սենսորները:
Հնարավոր է նաեւ, որ միջոցառմանը հայտնվի One Fusion սմարթֆոնը, որի մասին տեղեկությունը վերջերս էր հայտարարվել Google Play Console-ի տվյալների բազայում: Այս սարքը կունենա Snapdragon 710 չիպ, 4/6 ԳԲ օպերատիվ հիշողություն և 64/128 ԳԲ տարողությամբ ֆլեշ կրիչ։ Սարքը կունենա HD+ էկրան՝ 1600 × 720 պիքսել թույլատրությամբ։ Նշվում է 5000 մԱ/ժ հզորությամբ մարտկոց, 48 մեգապիքսելանոց հիմնական սենսորով բազմամոդուլային տեսախցիկ եւ առջեւի 8 մեգապիքսել տեսախցիկ։
Հնարավոր է նաև, որ Motorola-ն հուլիսի 7-ին կհայտարարի այլ ապրանքների մասին: Սակայն ընկերությունն ինքը դեռ նախընտրում է գաղտնի պահել միջոցառումների ծրագիրը։
Source:
Source: 3dnews.ru