Ընթացիկ եռամսյակում համաշխարհային մասշտաբով նոութբուքերի պահանջարկը կտրուկ կաճի, հայտնում է թայվանական հեղինակավոր DigiTimes ռեսուրսը։
Պատճառը նոր կորոնավիրուսի տարածումն է։ Համաճարակը հանգեցրել է նրան, որ շատ ընկերություններ ստիպված են եղել աշխատողներին տեղափոխել հեռավար աշխատանքի։ Բացի այդ, ամբողջ աշխարհում քաղաքացիները գտնվում են ինքնամեկուսացման մեջ։ Եվ դա առաջացրել է շարժական համակարգերի աճող պահանջարկ:
Վերլուծաբանները կանխատեսում են, որ այս տարվա երկրորդ եռամսյակում նոութբուքերի մատակարարումները եռամսյակային համեմատությամբ կաճեն ավելի քան 40%-ով:
Նշվում է, որ ներկայումս նոութբուք համակարգիչները պահանջված են ինչպես հեռավար աշխատանքի, այնպես էլ հեռավար ուսուցման համար։
Ինչ վերաբերում է ընդհանուր առմամբ անհատական համակարգիչների շուկային, ապա անկում է գրանցվել։ Դա պայմանավորված է նրանով, որ կորպորատիվ հաճախորդները սառեցրել կամ ամբողջությամբ չեղարկել են սարքավորումների արդիականացման ծրագրերը:
Gartner-ի տվյալներով՝ այս տարվա առաջին եռամսյակում վաճառվել է 51,6 մլն անհատական համակարգիչ։ Համեմատության համար նշենք, որ մեկ տարի առաջ առաքումները կազմել են 58,9 մլն միավոր: Այսպիսով, անկումը կազմել է 12,3%։ Նշվում է, որ սա 2013 թվականից ի վեր մատակարարումների ամենալուրջ կրճատումն է։
Source: 3dnews.ru