Տիգրան Խուդավերդյանը նշանակվել է Yandex ընկերությունների խմբի նորաստեղծ գործադիր տնօրենի պաշտոնում, ասված է ՏՏ ոլորտի ռուսական հսկայի պաշտոնական հաղորդագրության մեջ։
Պարոն Խուդավերդյանը Յանդեքս է եկել դեռ 2006 թվականի ապրիլին։ Ընկերությունում աշխատելու ընթացքում նա հաջողությամբ ղեկավարել է մի քանի ծառայություններ, այդ թվում՝ Yandex.Browser-ը և Yandex.Navigator-ը: 2015 թվականին նա ստանձնեց Yandex.Taxi-ի գործադիր տնօրենի պաշտոնը, իսկ 2018 թվականին Uber-ի հետ այս ստորաբաժանման միաձուլումից հետո գլխավորեց նոր ընկերությունը։
Տիգրան Խուդավերդյանի (լուսանկարում) նոր պաշտոնում նշանակվելուց հետո միավորված Yandex.Taxi ընկերությունը կգլխավորի Դանիիլ Շուլեյկոն։ Նա աշխատում է Yandex-ում 2015 թվականից և բիզնեսների միաձուլումից ի վեր աշխատել է որպես COO։
Արկադի Վոլոժը կշարունակի ղեկավարել ընկերությունների խումբը՝ որպես գլխավոր տնօրեն։ «Տիգրանը երկար ժամանակ աշխատում է «Յանդեքս»-ում, գիտի ներսից և դրսից բիզնեսը և հարգված է ընկերությունում: Շնորհիվ այն բանի, որ Տիգրանը կստանձնի ներկայիս ղեկավարությունը որպես գործադիր տնօրեն, ես կկարողանամ կենտրոնանալ ավելի լայն ռազմավարական նպատակների վրա»,- ասաց պարոն Վոլոժը:
Նշվում է նաև, որ Ելենա Բունինան կմնա Ռուսաստանում Yandex-ի գործադիր տնօրեն և HR տնօրեն։ Գրեգ Աբովսկին կշարունակի աշխատել որպես գլխավոր գործառնական տնօրեն և գլխավոր ֆինանսական տնօրեն և կշարունակի պատասխանատու լինել մի շարք ընթացիկ բիզնես ուղղությունների և նոր փորձնական բիզնեսների համար: Yandex-ի տեխնոլոգիաների գծով տնօրեն և որոնման պորտալի ղեկավար Միխայիլ Պարախինը ընտանիքի հետ վերադառնում է ԱՄՆ՝ ընկերությունում հինգ տարի աշխատելուց հետո։ Հեռանալուց հետո նա կշարունակի օգնել ընկերությանը տնօրենների խորհրդի մակարդակով։
Source: 3dnews.ru