Netflix հոսքային վիդեո ծառայությունը սկսել է ընդլայնել տվյալների ալիքները եվրոպական որոշ երկրներում։ Հիշեցնենք, որ ըստ
ԵՄ-ն մտավախություն ուներ, որ բարձրորակ տեսանյութերի փոխանցումը կծանրաբեռնի հեռահաղորդակցության օպերատորների ենթակառուցվածքը ընդհանուր ինքնամեկուսացման ժամանակ՝ պայմանավորված կորոնավիրուսային համաճարակի պատճառով: Եվրոպական շուկայում հոսքային տեսանյութերի որակը նվազեցնելու համանման խնդրանք է ուղարկվել Amazon Prime Video և YouTube հարթակներ։ Վերջիններս, օրինակ, լռելյայն սահմանել են բովանդակության որակը SD: Այնուամենայնիվ, ցանկության դեպքում օգտվողները կարող են ձեռքով ընտրել ավելի բարձր որակ:
Ըստ The Verge-ի՝ Netflix-ը մեծացրել է 4K տեսանյութերի հոսքի արագությունը իր գրադարանից մինչև 15,25 Մբիթ/վրկ։ Դեռ ապրիլին այն երկու անգամ ցածր էր և կազմում էր 7,62 Մբիթ/վրկ, որը սեղմված 4K հոսքի փոխանցման համար անհրաժեշտ նվազագույնն է։ Ավելի բարձր բիթային արագությունների վերադարձը նկատում են Դանիայից, Գերմանիայից, Նորվեգիայից և եվրոպական այլ երկրներից օգտատերերը:
Միեւնույն ժամանակ, բարձր արագությունը դեռ հասանելի չէ բոլորին։ Օրինակ՝ Մեծ Բրիտանիայի օգտատերերը դեռևս բախվում են տվյալների սահմանափակման: Netflix-ը նշում է, որ արդեն աշխատում է հեռահաղորդակցության օպերատորների հետ հաղորդման կապուղիների ընդլայնման հարցով, սակայն դա որոշ ժամանակ կպահանջի։
Այլ հոսքային հարթակներ նույնպես սկսում են վերադարձնել տվյալների ավելի բարձր արագություն: 9to5Mac ռեսուրսը հայտնել է, որ ընկերությունը ապրիլի վերջին վերականգնել է տվյալների փոխանցման նորմալ արագությունը Apple TV+-ի բաժանորդների համար։
Source: 3dnews.ru