Վերլուծաբանների կարծիքով՝ համեմատաբար ցածր գնով թարմացված iPhone SE սմարթֆոնը դժվար թե դառնա Չինաստանում Apple-ի վաճառքի հիմնական շարժիչը։ Հիմնական պատճառը 5G աջակցության բացակայությունն է, որը չինական նոր սմարթֆոնների մեծ մասն առաջարկում է նմանատիպ գների միջակայքում։
Weibo սոցիալական ցանցում անցկացված հարցման համաձայն՝ շուրջ 60 հազար հարցվածների 350%-ը ասել է, որ չի գնի 399 դոլար արժողությամբ նոր մոդելը, որը հասանելի ամենաէժան iPhone սմարթֆոնն է։
Այնուամենայնիվ, հարցման մասնակիցների մոտավորապես մեկ հինգերորդն ասել է, որ կգնի նոր iPhone SE, մինչդեռ մնացածները նշել են, որ կմտածեն գնելու մասին: Թեև հարցվածներին չեն հարցրել իրենց որոշման պատճառների մասին, շատերը նշել են, որ իրենք շահագրգռված կլինեն գնել iPhone SE, եթե դրա գինը նվազեցվի:
Վերջին մի քանի տարիների ընթացքում Apple-ի մասնաբաժինը Չինաստանի սմարթֆոնների շուկայում, որը կազմում է նրա վաճառքից եկամտի մոտ 15%-ը, նվազել է տեղական Android սմարթֆոն արտադրողների մրցակցության պատճառով:
Այս մրցակցությունն այժմ էլ ավելի ուժեղ է դարձել, քանի որ տեղական ընկերություններն այժմ թողարկում են 5G սարքեր, որոնք համատեղելի են Չինաստանի արդիականացված հեռահաղորդակցական ցանցերի հետ, մինչդեռ Apple-ը դեռևս չունի 5G-ով աշխատող iPhone-ի մեկ մոդել:
Չինացի վերլուծաբանների մեծ մասը կարծում է, որ թարմացված iPhone SE-ն հիմնականում կգրավի Apple ապրանքանիշի հավատարիմ մարդկանց, ովքեր չեն ցանկանում մոտ $700 դոլար ծախսել բարձրակարգ iPhone 11 մոդելի վրա։
Այնուամենայնիվ, տեխնոլոգիական ներդրողները ուշադիր հետևելու են, թե ինչպես են նոր արտադրանքը ընդունում Չինաստանում, որպեսզի չափեն, թե ինչպես է սպառողական սարքերի պահանջարկը վերականգնվում, քանի որ կորոնավիրուսի համաճարակը թուլանում է: Ներդրողներին հետաքրքրում է նաև, թե Apple-ը Չինաստանում սմարթֆոնների վաճառքի օգնությամբ կկարողանա՞ մեղմել այլ տարածաշրջաններում վաճառքից ստացված եկամուտների կորստի հարվածը։
Source: 3dnews.ru