Չինական Xiaomi ընկերության կողմից ստեղծված Redmi ապրանքանիշը չի շտապի հայտարարել Snapdragon 855 պրոցեսորով ֆլագմանային սմարթֆոնի մասին, հայտնում են ցանցի աղբյուրները։
Redmi անվամբ Snapdragon 855 հարթակում սարքի թողարկման հնարավորության մասին այս տարվա սկզբին ակնարկել էր չինական ապրանքանիշի գործադիր տնօրեն Լու Վեյբինգը։
Հաղորդվում է, որ դրանից հետո Xiaomi-ի արտադրանքի երկրպագուները ռմբակոծել են պարոն Վեյբինգին նշված սմարթֆոնի նախագծի վերաբերյալ հարցերով: Ուստի Redmi-ի ղեկավարը ստիպված է եղել երկրպագուներին խնդրել չանհանգստացնել իրեն այս թեմայով։
Այսպիսով, դիտորդները եզրակացնում են, որ մենք չպետք է սպասենք Redmi սմարթֆոնի մոտալուտ թողարկում Snapdragon 855 հարթակում: Ամենայն հավանականությամբ, համապատասխան նախագիծը պարզապես հեռու է իրագործվելուց, և այդ պատճառով Redmi-ի ղեկավարը չի կարող դրա վերաբերյալ կոնկրետ տեղեկատվություն տրամադրել։
Բայց դա չի նշանակում, որ Snapdragon 855-ի վրա հիմնված սմարթֆոնները չեն հայտնվի Redmi-ի շարքում:Նման սարքերը կարող են հայտարարվել այս տարվա երկրորդ կեսին:
Ներկայումս Redmi ապրանքանիշը կենտրոնացած է նոր սկզբնական և միջին մակարդակի սմարթֆոնների թողարկման վրա:
Source: 3dnews.ru