Samsung Galaxy S10 5G առաջատար սմարթֆոնի հարավկորեացի սեփականատերերից մեկը հայտնել է, որ իր սարքը հրդեհվել է ընդամենը վեց օր օգտագործելուց հետո։
Galaxy S10 5G սմարթֆոն ապրիլի սկզբին Հարավային Կորեայում։ Սարքի հիմնական առանձնահատկությունն արտացոլված է նրա անվան մեջ՝ այն ունակ է աշխատել հինգերորդ սերնդի բջջային ցանցերում։
Հենց այս սմարթֆոնի հետ է տեղի ունեցել միջադեպը. ինչպես երևում է հրապարակված լուսանկարներում, սարքը լրջորեն այրվել է, իսկ մարմինը ճաքել ու հալվել է։
Թե կոնկրետ ինչն է հրդեհի բռնկման պատճառը, դեռ պարզ չէ։ Samsung-ի լիազորված սպասարկման կենտրոնի մասնագետները, որոնց դիմել է տուժած օգտատերը, հայտարարել են, որ սարքում արտաքին վնասման նշաններ են եղել։ Գաջեթի տերը պնդում է, որ այն սեղանից հատակին է նետել միայն այն բանից հետո, երբ սմարթֆոնը սկսել է ծխել։
Այսպես թե այնպես, դեռ վաղ է խոսել Galaxy S10 5G-ի ինքնաբուխ այրման հակման մասին: Հավանականություն կա, որ ոչնչացված սարքի տերն իրականում անզգուշությամբ կամ նույնիսկ դիտմամբ է հրդեհի պատճառ դարձել։
Հիշեցնենք, որ մի քանի տարի առաջ Samsung-ը հայտնվել էր բարձր սկանդալի կենտրոնում՝ կապված Galaxy Note 7 ֆաբլետների ինքնաբուխ այրման և պայթյունների հետ, ինչի հետևանքով տուժել էին գաջեթների տերերը. որոշ դեպքերում գույքը վնասվել է։ Հարավկորեական հսկան ստիպված է եղել դադարեցնել բջջային սարքերի արտադրությունը և նախաձեռնել համաշխարհային հետկանչման ծրագիր։ Սարքի շուկա անհաջող մեկնարկից վնասը կազմել է միլիարդավոր ԱՄՆ դոլար։
Source: 3dnews.ru