Համացանցային աղբյուրների փոխանցմամբ՝ շվեդ ծրագրային ապահովման ինժեներ Օլա Բինին, ով սերտ կապեր ունի Ջուլիան Ասանժի հետ, ձերբակալվել է Էկվադորից հեռանալու փորձի ժամանակ։ Բինիի ձերբակալությունը կապված է WikiLeaks-ի հիմնադրի կողմից Էկվադորի նախագահի շանտաժի հետաքննության հետ։ Երիտասարդին ոստիկանությունը ձերբակալել է այս շաբաթվա վերջին Կիտոյի օդանավակայանում, որտեղից նա մտադիր էր մեկնել Ճապոնիա։
Էկվադորի իշխանությունները կարծում են, որ Բինին կարող է ներգրավված լինել շանտաժիստների մեջ, որոնք ճնշում են գործադրել Էկվադորի առաջնորդի վրա՝ հետաձգելու Ասանժի վտարումը Լոնդոնում երկրի դեսպանատնից:
Էկվադորցի դիվանագետները մտահոգություն են հայտնել, որ Ասանժի համախոհները, եթե նրան հանձնեն իշխանություններին, կարող են կիբերհարձակումներ կազմակերպել՝ կառավարության գաղտնի տեղեկատվությանը հասանելիություն ստանալու համար: Ի պատասխան՝ Մեծ Բրիտանիան հայտարարեց Էկվադորում կիբերանվտանգության մակարդակը բարելավելու համար անհրաժեշտ օգնություն ցուցաբերելու պատրաստակամության մասին։
Հիշեցնենք, որ Էկվադորի իշխանությունները WikiLeaks-ին և նրա հիմնադիր Ջուլիան Ասանժին մեղադրում են երկրի նախագահի և նրա ընտանիքի վերաբերյալ մեղադրող ապացույցներ հավաքելու արշավ կազմակերպելու մեջ։ Բինիի մասնակցությունն այս գործում դեռ պետք է ապացուցվի ոստիկանության կողմից, սակայն շվեդ ծրագրավորողին ճանաչող մարդիկ կարծում են, որ նրա դեմ մեղադրանքներն անհիմն են։ Ինքը՝ WikiLeaks-ի հիմնադիրը, հանձնվել է անգլիական ոստիկանությանը այն բանից հետո, երբ ստիպված է եղել լքել Էկվադորի դեսպանատունը, որտեղ անցկացրել է վերջին մի քանի տարիները։
Source: 3dnews.ru