Հայտնի են դարձել բրիտանական Dyson ընկերության ապագա էլեկտրամեքենայի մանրամասները։ Տեղեկություններ են հայտնվել, որ մշակողը գրանցել է մի քանի նոր արտոնագրեր։ Արտոնագրային փաստաթղթերին կցված գծագրերը հուշում են, որ ապագա էլեկտրական մեքենան շատ նման է Range Rover-ին։ Չնայած դրան, ընկերության ղեկավար Ջեյմս Դայսոնը նշել է, որ վերջին արտոնագրերը չեն բացահայտում էլեկտրական մեքենայի իրական տեսքը։ Նկարները պատկերացում են տալիս այն մասին, թե ինչ տարբերակներ է դիտարկվում ընկերության կողմից, որը մտադիր է օգտագործել իր առաջին էլեկտրական մեքենան որպես հարթակ՝ աերոդինամիկայի ոլորտում սեփական ձեռքբերումները ներկայացնելու համար։
Ամենայն հավանականությամբ, բրիտանացի մշակողների մեքենան կունենա ստանդարտ չափսեր, քանի որ Dyson-ի տնօրենը նշել է, որ ընկերությունը չի հետևում այլ արտադրողների մեքենաների դիզայնին, որոնցից շատերը կոմպակտ էլեկտրական մեքենաներ են ստեղծում: Նրա կարծիքով՝ նման մեքենաների վարելու հարմարավետության մակարդակը զգալիորեն սահմանափակում է դրանց գրավչությունն ու օգտակարությունը։ Հնարավոր է, որ ապագա էլեկտրամեքենան ունենա մեծ անիվներ, որոնք այն արդյունավետ կդարձնեն ոչ միայն քաղաքային պայմաններում, այլև խորդուբորդ տեղանքում։
Դեռևս պարզ չէ, թե երբ ընկերությունը կկարողանա ներկայացնել առաջին էլեկտրական մեքենայի նախատիպը։ Նախկինում հաղորդվում էր, որ մեքենայի զարգացման համար ներդրվել են միլիարդավոր դոլարներ, իսկ նախագծի վրա աշխատում է մոտ 500 ինժեներ։ Հայտնի է նաև, որ Dyson էլեկտրական մեքենայի արտադրությունը կսկսվի Սինգապուրի գործարանում։ Որոշ տեղեկությունների համաձայն՝ նախատիպը ներկայումս գտնվում է վերջնական փուլում և պատրաստվում է սկսել փորձարկումները: Սա նշանակում է, որ մեքենայի կոմերցիոն տարբերակը կարող է ներկայացվել առաջիկա տարիներին։
Source: 3dnews.ru