Սմարթֆոնի առջևի տեսախցիկը էկրանի տակ տեղադրելու հնարավորությունը, ինչպես տեղի է ունենում մատնահետքի սկաների դեպքում, բավականին երկար ժամանակ քննարկվում էր։ Առցանց աղբյուրները հայտնում են, որ Samsung-ը մտադիր է ապագայում սենսորներ տեղադրել էկրանի մակերեսի տակ։ Այս մոտեցումը կվերացնի տեսախցիկի համար խորշ ստեղծելու անհրաժեշտությունը:
Հարավկորեական տեխնոլոգիական հսկան արդեն ստեղծում է Infinity-O դիսփլեյներ Galaxy S10 սմարթֆոնների համար, որոնք ունեն փոքրիկ անցք սենսորի համար։ Ընկերության ներկայացուցիչները նշում են, որ հեշտ չի եղել տեխնոլոգիա ստեղծել, որը թույլ է տալիս անցքեր անել OLED դիսփլեյի վրա, սակայն ի վերջո դա տվել է իր արդյունքը։
Հարավկորեացի մշակողները մտադիր չեն դրանով կանգ առնել։ Նրանք ասում են, որ ուսումնասիրվում է էկրանի տակ տեսախցիկի տեղադրման գաղափարը, սակայն ներկայումս կան տեխնիկական դժվարություններ, որոնք խանգարում են դրա իրականացմանը։ Ակնկալվում է, որ առաջիկա երկու տարում տեխնոլոգիաների զարգացումը կհանգեցնի նրան, որ ընկերության սմարթֆոնները կստանան էկրանի մակերեսի հետևում թաքնված «անտեսանելի» տեսախցիկներ։
Հարկ է նշել, որ Samsung-ը մշակում է ամբողջ էկրանով ուլտրաձայնային մատնահետքերի սքաներ։ Դրա ինտեգրումը սմարթֆոններին թույլ կտա օգտատիրոջն ապակողպել սարքը՝ ցանկացած վայրում մատով դիպչելով էկրանին։ Ընկերության գործունեության մեկ այլ ուղղություն կապված է սմարթֆոնի էկրանով ձայնի փոխանցման տեխնոլոգիայի ստեղծման հետ։ Նմանատիպ տեխնոլոգիա կիրառվել է սմարթֆոններում .
Source: 3dnews.ru