Samsung-ին հաճախ են քննադատում իր Exynos բջջային պրոցեսորների համար: Վերջերս արտադրողի հասցեին բացասական մեկնաբանություններ եղան՝ կապված այն բանի հետ, որ ընկերության սեփական պրոցեսորներով Galaxy S20 սերիայի սմարթֆոնները իրենց կատարողականությամբ զիջում են Qualcomm չիպերի տարբերակներին:
Չնայած դրան, Samsung-ի նոր զեկույցում ասվում է, որ ընկերությունը համագործակցության մեջ է մտել Google-ի հետ՝ որոնման հսկայի համար հատուկ չիպ արտադրելու համար: Թեև շատերին դուր չի գալիս այն փաստը, որ Samsung-ը շարունակում է համալրել իր առաջատար սմարթֆոնները սեփական չիպսեթներով, ընկերությունը կարծես թե հաստատ որոշում է կայացրել շարունակել դա անել: Օգտագործելով իր սեփական պրոցեսորները՝ Samsung-ը շարունակաբար նվազեցրել է իր կախվածությունը այնպիսի մատակարարներից, ինչպիսիք են Qualcomm-ը և MediaTek-ը՝ դարձնելով այն աշխարհում բջջային չիպերի երրորդ խոշորագույն արտադրողը:
Google պրոցեսորը, որը նախատեսվում է թողարկել այս տարի, կարտադրվի Samsung-ի 5 նմ պրոցեսոր տեխնոլոգիայի միջոցով: Այն կստանա ութ հաշվողական միջուկ՝ երկու Cortex-A78, երկու Cortex-A76 և չորս Cortex-A55: Գրաֆիկայով կզբաղվի դեռևս չհայտարարված Mali MP20 GPU-ն, որը մշակվել է Borr միկրոճարտարապետության հիման վրա: Չիպսեթը կներառի Visual Core ISP և NPU՝ մշակված հենց Google-ի կողմից:
Անցյալ տարի հաղորդվեց, որ Google-ը որսում է չիպերի դիզայներներ Intel-ից, Qualcomm-ից, Broadcom-ից և NVIDIA-ից՝ աշխատելու սեփական մեկ չիպային հարթակում: Հավանաբար, որոնողական հսկան դեռ չի համալրել այն պատշաճ կերպով, ինչի պատճառով էլ դիմել է Samsung-ի օգնությանը։
Թե ինչ սարքի համար է նախատեսված նոր չիպսեթը, հայտնի չէ։ Այն կարող է կիրառել ինչպես նոր Pixel շարքի սմարթֆոններում, այնպես էլ նույնիսկ Google-ի որոշ սերվերային արտադրանքներում:
Source: 3dnews.ru