Համացանցային աղբյուրների փոխանցմամբ՝ Չինաստանում գտնվող և սմարթֆոններ արտադրող հարավկորեական Samsung ընկերության վերջին գործարանը կփակվի այս ամսվա վերջին։ Այս հաղորդագրությունը հայտնվել է կորեական լրատվամիջոցներում, որին հղում է անում աղբյուրը։
Գուանդուն նահանգում Samsung գործարանը գործարկվել է 1992 թվականի վերջին։ Այս ամառ Samsung-ը նվազեցրեց իր արտադրական հզորությունը և կրճատեց անձնակազմը՝ ազդարարելով, թե ինչ կարող է լինել, եթե ընկերության մասնաբաժինը չինական սմարթֆոնների շուկայում չավելանա: Հարավկորեական տեխնոլոգիական հսկայի սմարթֆոններն առանձնապես հայտնի չեն Չինաստանում, իսկ Samsung-ի տեղական շուկայի մասնաբաժինը կազմում է մոտ 1%: Ընկերությունը չի կարողացել ազդեցություն ունենալ չինական սմարթֆոնների շուկայում: Սակայն չի կարելի բացառել, որ ապագայում Samsung-ը այս երկրում արտադրությունը վերսկսելու պատճառներ կունենա։
Samsung-ը կշարունակի սմարթֆոնների արտադրությունը այլ երկրներում, ներառյալ Վիետնամում և Հնդկաստանում գտնվող գործարաններում: Բացի այդ, Samsung-ն օգտագործում է երրորդ կողմի արտադրողների ծառայությունները, որոնք լիցենզիայով հավաքում են հարավկորեական ընկերության սմարթֆոնները իրենց գործարաններում։ Առաջին նման սարքերը եղել են Galaxy A6s և Galaxy A10s սմարթֆոնները, որոնք չեն հավաքվել Samsung-ի գործարաններում։ Ամենայն հավանականությամբ, Չինաստանում ընկերության վերջին գործարանի փակումը ոչ մի կերպ չի ազդի երրորդ կողմի ընկերություններից Samsung ապրանքանիշի սարքերի մատակարարումների ծավալի վրա։ Ըստ որոշ գնահատականների՝ մինչև 2019 թվականի վերջ ընկերությունը կարող է վաճառել մինչև 40 միլիոն սմարթֆոն, որոնք արտադրվել են Չինաստանի այլ ընկերությունների կողմից Samsung-ի լիցենզիայի ներքո։
Source: 3dnews.ru