Ինչպես գիտեք, ԱՄՆ նախագահ Դոնալդ Թրամփը երկուշաբթի օրը հայտարարել է, որ կառավարությունը կարգելափակի չինական TikTok տեսածառայության գործունեությունը Միացյալ Նահանգներում, եթե մինչև սեպտեմբերի 15-ը ոչ մի ամերիկյան ընկերություն այն ձեռք չբերի։
Իրավիճակը նման կերպ է զարգացել ԱՄՆ-ի և Չինաստանի կառավարությունների միջև թեժ հարաբերությունների արդյունքում։ Ինչպես ավելի վաղ հայտնի էր դարձել, Microsoft-ը շահագրգռվածություն է հայտնել գնել TikTok-ը։ Այժմ, ինչպես հաղորդվում է, նմանատիպ ցանկություն է հայտնել Apple-ը։ Այս մասին հայտարարել է Դեն Պրիմակը (Dan Primack) հեղինակավոր Axios հրատարակությունից։ Նա հայտարարել է, որ Apple-ի այս մտադրությունների մասին տեղեկությունը բազմիցս իրեն է հասել տարբեր աղբյուրներից, թեև ընկերության ներսում ոչ ոք պաշտոնապես չի հաստատել դա։ Նկատի ունեցեք, որ եթե Apple-ը ձեռք բերի TikTok-ը, դա կարող է դառնալ ընկերության պատմության մեջ ամենամեծ ձեռքբերումը:
Դեռ հայտնի չէ, թե այս իրավիճակը ի վերջո ինչպես կհանգուցալուծվի, սակայն կասկած չկա, որ ԱՄՆ-ն իր սկսածը հասցնելու է մինչև վերջ։ Դրա օրինակն է Huawei-ի նկատմամբ երկրի քաղաքականությունը, որը սկզբում կորցրեց Google-ի ծառայություններն իր սարքերում օգտագործելու հնարավորությունը, իսկ այժմ դժվարություններ է ապրում սմարթֆոնների համար պրոցեսորների մատակարարման հարցում։
Source:
Source: 3dnews.ru