Lenovo-ն հայտարարել է, որ ապրիլի 23-ին Պեկինում (Չինաստանի մայրաքաղաք) հատուկ միջոցառման ժամանակ կներկայացվի մի շարք նորարարական ֆունկցիաներով հզոր Z6 Pro սմարթֆոնը։
Սարքը կունենա առաջադեմ Hyper Video տեխնոլոգիա: Պնդվում է, որ նոր արտադրանքը կկարողանա գեներացնել պատկերներ մինչև 100 միլիոն պիքսել թույլատրությամբ:
Սմարթֆոնը կունենա առաջատար Snapdragon 855 պրոցեսոր (ութ Kryo 485 միջուկ՝ 1,80 ԳՀց-ից մինչև 2,84 ԳՀց ժամացույցի հաճախականությամբ և Adreno 640 գրաֆիկական արագացուցիչ): Ավելին, պնդում են, որ Lenovo-ն կարող է օգտագործել այս չիպի overclocked տարբերակը։
Շնորհանդեսին ընդառաջ հրապարակվել է թիզերային պատկեր, որը ցույց է տալիս Z6 Pro մոդելի ճակատը: Երևում է, որ սարքն ունի ամբողջովին առանց շրջանակի դիզայն։
Թիզերում կարելի է տեսնել Lenovo Legion ապրանքանիշի լոգոն, որն ակնարկում է սարքի առաջադեմ խաղային հնարավորությունները։ Նշված է մետաղյա շրջանակով պատյան։
Նշվում է նաև, որ սմարթֆոնը կկարողանա աշխատել հինգերորդ սերնդի բջջային ցանցերում (5G):
Source: 3dnews.ru