Ավելի վաղ հաղորդվում էր, որ սմարթֆոնը պաշտոնապես կներկայացվի Չինաստանում մայիսի 15-ին . Այժմ հայտնի է դարձել, որ դրա հետ մեկտեղ կհայտարարվի եւս մեկ սարք՝ RMX1851 ծածկանունով։ Խոսքը Realme X Lite սմարթֆոնի մասին է, որի պատկերներն ու բնութագրերը հայտնվել են Չինական Հեռահաղորդակցական Սարքավորումների Հավաստագրման մարմնի (TENAA) տվյալների բազայում։
Սարքը հագեցած է 6,3 դյույմանոց LCD էկրանով, որն ապահովում է 2340 × 1080 պիքսել թույլատրելիություն (համապատասխանում է Full HD+ ձևաչափին): Առջևի տեսախցիկը հիմնված է 25 մեգապիքսել սենսորի վրա: Հիմնական տեսախցիկը, որը գտնվում է մարմնի հետևի մակերեսին, 16 MP և 5 MP սենսորների համակցություն է: Հետևի մասում կա մատնահետքի սկաների տեղ։
Սմարթֆոնի հիմքը լինելու է 8 միջուկանի չիպը, որն աշխատում է 2,2 ԳՀց հաճախականությամբ։ Դեռ հայտնի չէ, թե որ պրոցեսորի մասին է խոսքը։ Սարքը կարտադրվի մի քանի մոդիֆիկացիաներով։ Խոսքը 4 կամ 6 ԳԲ օպերատիվ հիշողությամբ և 64 կամ 128 ԳԲ ներկառուցված պահեստային հզորությամբ տարբերակների մասին է։ Հաղորդվում է նաև մինչև 256 ԳԲ հիշողության քարտերի աջակցության մասին: Էլեկտրաէներգիայի աղբյուրը վերալիցքավորվող մարտկոցն է՝ 3960 մԱ/ժ հզորությամբ։
Ծրագրային հարթակի դերը խաղում է բջջային օպերացիոն համակարգը՝ Android 9.0 (Pie): Նոր ապրանքը կմատակարարվի կապույտ և մանուշակագույն պատյաններով։ Նոր ապրանքի մանրածախ գինը չի հայտարարվել։ Ամենայն հավանականությամբ, ավելի մանրամասն տեղեկություններն ու առաքումների մեկնարկի ժամկետները կհայտարարվեն ամսվա կեսերին պաշտոնական շնորհանդեսի ժամանակ։
Source: 3dnews.ru