Համացանցային աղբյուրները հրապարակել են հզոր Realme X50 5G սմարթֆոնի «կենդանի» լուսանկարները, որոնք կներկայացվեն հունվարի 7-ին։
Ինչպես տեսնում եք նկարներում, սարքի հետևի մասում տեղադրված է չորս հիմնական տեսախցիկ։ Դրա օպտիկական տարրերը վերին ձախ անկյունում դասավորված են ուղղահայաց։
Ըստ առկա տեղեկատվության՝ քառակուսի տեսախցիկը միավորում է սենսորները 64 միլիոն և 8 միլիոն պիքսելներով։ Բացի այդ, օգտագործվում են 2 միլիոն պիքսել ունեցող երկու սենսորներ, որոնցից մեկը նախատեսված է տեսարանի խորության մասին տեղեկատվություն ստանալու համար։ Առկա է LED ֆլեշ։
Սմարթֆոնի «սիրտը» կլինի Snapdragon 765G պրոցեսորը։ Չիպը պարունակում է ութ Kryo 475 միջուկ՝ մինչև 2,4 ԳՀց հաճախականությամբ, Adreno 620 գրաֆիկական արագացուցիչ և X52 5G մոդեմ՝ հինգերորդ սերնդի բջջային ցանցերի աջակցությամբ:
Ըստ լուրերի՝ Realme X50 5G սմարթֆոնը կունենա 6,44 դյույմանոց AMOLED էկրան, ինչպես նաև երկակի առջևի տեսախցիկ՝ 32 և 8 մեգապիքսել սենսորներով։
Ներկայացված պատկերներում սարքը ներկայացված է յասամանագույն գույնով։ Սարքը կոմերցիոն շուկայում հասանելի կլինի նաև այլ գույներով: Թե որքան կարժենա սմարթֆոնը, առայժմ ոչինչ չկա։
Source: 3dnews.ru