Tesla-ի գործադիր տնօրեն Իլոն Մասկը (առաջին լուսանկարում) հայտարարել է, որ ընկերությունը մտադիր է հաջորդ տարի ԱՄՆ-ում գործարկել ինքնակառավարվող տաքսի ծառայություն։
Ենթադրվում է, որ Tesla էլեկտրամոբիլների սեփականատերերը կկարողանան իրենց մեքենաները տրամադրել ավտոպիլոտային ռեժիմով այլ մարդկանց տեղափոխելու համար։ Դա էլեկտրական մեքենաների սեփականատերերին հնարավորություն կտա լրացուցիչ եկամուտ ստանալ։
Ուղեկցող հավելվածի միջոցով հնարավոր կլինի որոշել մարդկանց շրջանակը, ովքեր կկարողանան ճանապարհորդել մեքենայով։ Սա կարող է լինել, ասենք, միայն հարազատները, ընկերները, աշխատանքային գործընկերները կամ որևէ օգտվող:
Այն տարածքներում, որտեղ սպասարկման համար տրամադրվող մեքենաների թիվը քիչ կլինի, Tesla-ն սեփական մեքենաները դուրս կբերի փողոց։ Ակնկալվում է, որ Tesla-ի ռոբոտաքսիների պարկը հաջորդ տարվա ընթացքում կհասնի մեկ միլիոն էլեկտրական մեքենայի:
Պարոն Մասկը նշել է, որ ինքնակառավարվող Tesla մեքենաներով ուղեւորությունները հաճախորդների համար ավելի էժան կլինեն, քան Uber-ի և Lyft-ի նման ծառայությունների միջոցով տաքսի կանչելը:
Այնուամենայնիվ, ռոբոտաքսի պլատֆորմի տեղադրումը կպահանջի անհրաժեշտ կարգավորող հաստատումներ ստանալ, և դա կարող է խնդիրներ առաջացնել:
Tesla-ի ղեկավարը նաև հավելել է, որ երկու տարվա ընթացքում ընկերությունը կարող է կազմակերպել էլեկտրական մեքենաների արտադրություն, որոնք նախատեսված են բացառապես ավտոպիլոտ ռեժիմով վարելու համար. այդպիսի մեքենաները չեն ունենա ոչ ղեկ, ոչ ոտնակ։
Հավելում ենք նաև, որ Tesla-ն հայտարարել է ավտոպիլոտային համակարգերի սեփական պրոցեսորի մասին։ Այս մասին ավելի շատ տեղեկություններ կարելի է գտնել
Source: 3dnews.ru