Թայվանական TSMC ընկերությունը հանդես է եկել առաջին պաշտոնական հայտարարությամբ՝ ի պատասխան
TSMC-ը կիսահաղորդչային արդյունաբերության նորարարներից մեկն է, որը տարեկան միլիարդավոր դոլարներ է ներդնում կիսահաղորդիչների արտադրության առաջադեմ տեխնոլոգիաները ինքնուրույն զարգացնելու համար: Այս մոտեցումը թույլ է տվել TSMC-ին կառուցել կիսահաղորդչային խոշորագույն պորտֆելներից մեկը, որը ներառում է ավելի քան 37 արտոնագրված տեխնոլոգիաներ: Ընկերությունը հիասթափություն է հայտնել, որ տեխնոլոգիական շուկայում մրցակցելու փոխարեն, GlobalFoundries-ը որոշել է անլուրջ դատական հայցեր հարուցել մի քանի արտոնագրերի վերաբերյալ։ «TSMC-ը հպարտանում է իր տեխնոլոգիական առաջատարությամբ, արտադրական գերազանցությամբ և հաճախորդների հանդեպ անսասան նվիրվածությամբ: Մենք ակտիվորեն պայքարելու ենք՝ օգտագործելով ցանկացած անհրաժեշտ միջոց, պաշտպանելու մեր արտոնագրված տեխնոլոգիաները»,- ասվում է ընկերության կայքում տեղադրված հաղորդագրության մեջ։
Հիշեցնենք, որ օգոստոսի 26-ին ամերիկյան GlobalFoundries ընկերությունը մի քանի հայց էր ներկայացրել ԱՄՆ-ի և Գերմանիայի դատարաններ՝ մեղադրելով իր խոշորագույն մրցակից TSMC-ին 16 արտոնագրերի չարաշահման մեջ։ Հայցադիմումներում ընկերությունը պահանջում է վնասի փոխհատուցում, ինչպես նաև թայվանական արտադրողից կիսահաղորդչային արտադրանքի ներմուծման արգելք։ Եթե դատարանը բավարարի GlobalFoundries-ի պահանջները, դա կարող է լուրջ հետևանքներ ունենալ ողջ ոլորտի համար, քանի որ TSMC-ի ծառայություններն օգտագործում են խոշորագույն տեխնոլոգիական ընկերություններից շատերը, այդ թվում՝ Apple-ը և NVIDIA-ն:
Source: 3dnews.ru