NVIDIA-ն պատրաստվում է Super շարքի ևս մեկ վիդեո քարտ, այն է՝ GeForce GTX 1660 Super, հայտնում է VideoCardz ռեսուրսը` հղում անելով ASUS-ի սեփական աղբյուրին։ Հաղորդվում է, որ այս թայվանական արտադրողը կթողարկի նոր տեսաքարտի առնվազն երեք մոդել, որոնք կներկայացվեն Dual Evo, Phoenix և TUF շարքերում։
Ենթադրվում է, որ GeForce GTX 1660 Super-ը հիմնված կլինի ճիշտ նույն Turing TU116 գրաֆիկական պրոցեսորի վրա՝ 1408 CUDA միջուկներով, ինչ սովորական GeForce GTX 1660-ում: Հավանաբար, նոր գրաֆիկական պրոցեսորը կաշխատի ավելի բարձր ժամացույցի արագությամբ: Բայց առայժմ սա ոչ ավելին է, քան մեր սեփական ենթադրությունը:
Աղբյուրը հայտնում է, որ վիդեոքարտերի միակ, բայց բավական էական տարբերությունը լինելու է տեսահիշողության կոնֆիգուրացիայի մեջ։ Նոր GeForce GTX 1660 Super-ը կունենա 6 ԳԲ GDDR6 հիշողություն՝ 14 ԳՀց արդյունավետ հաճախականությամբ (սա նույնիսկ ավելի արագ է, քան GeForce GTX 1660 Ti-ն), մինչդեռ սովորական GeForce GTX 1660-ն ունի GDDR5 հիշողություն՝ 8 ԳՀց հաճախականությամբ:
Իսկ ITHome չինական ռեսուրսի համաձայն՝ NVIDIA-ն պատրաստում է նաև GeForce GTX 1650 Ti վիդեո քարտ։ Այս պահին դրա բնութագրերը հստակ հայտնի չեն, սակայն ենթադրվում է, որ այն կստանա Turing TU117 գրաֆիկական պրոցեսոր՝ 1024 կամ 1152 CUDA միջուկներով։ Հիշողության կոնֆիգուրացիան նույնպես հստակեցված չէ, բայց մենք դժվար թե սպասենք, որ GDDR6-ը կհայտնվի այստեղ:
Հաղորդվում է, որ հաջորդ ամիս կներկայացվեն GeForce GTX 1650 Ti և GeForce GTX 1660 Super վիդեո քարտերը։
Source: 3dnews.ru