Հայտնի է դարձել, որ Google-ը պլանավորում է փոփոխություններ կատարել իր որոնողական համակարգում: Մշակողների բլոգում հրապարակված հաղորդագրության համաձայն՝ որոնման արդյունքներում կհայտնվեն առցանց խորհրդատվություններ առաջարկող բժշկական կազմակերպությունների գովազդները: Այս փոփոխությունը կհեշտացնի հեռաբժշկական ծառայությունների որոնումը, որոնց պահանջարկը զգալիորեն աճել է COVID-19 համավարակի պայմաններում:
Հեռաբժշկական ծառայություններ մատուցող բժշկական կազմակերպությունները կկարողանան հղումներ ավելացնել իրենց կայքերին, որոնք կցուցադրվեն ոչ միայն որոնման արդյունքներում, այլև Google Maps ծառայությունում: Եթե առցանց խորհրդատվություններ մատուցող բժշկական կազմակերպությունն ունի կորոնավիրուսին նվիրված էջ, ապա որոնման մեջ ավտոմատ կերպով կցուցադրվի նաև դրա հղումը:
Google-ը նաև որոնման արդյունքներում առանձին քարտի վրա կցուցադրի վիրտուալ խնամքի համար «լայնորեն հասանելի հարթակները»։ Այն որոնման արդյունքներում կցուցադրվի, երբ օգտատերերը հարցումներ կատարեն բժշկական մասնագետի հետ անհապաղ խորհրդատվություն ստանալու վերաբերյալ։ Այս պահին նոր հնարավորությունները փորձնական նախագիծ են։ Դրանք կարող են օգտագործվել Միացյալ Նահանգների բնակիչների կողմից, որոնց համար Google-ը արդեն սկսել է որոնման արդյունքներում ցուցադրել հեռաբժշկական ծառայություններ առաջարկող որոշ տեղական բժշկական կազմակերպությունների հղումներ։ Հնարավոր է, որ ապագայում բժշկական խորհրդատվությունների առցանց պարզեցված որոնումը հասանելի դառնա նաև այլ երկրների օգտատերերի համար։
Հարկ է նշել, որ Google-ը շարունակում է ակտիվորեն աշխատել կորոնավիրուսի տարածումը կանխելու համար։ Այս ուղղությամբ վերջին քայլերից մեկը Apple-ի հետ՝ կորոնավիրուսով վարակված մարդկանց կոնտակտների հետևումը բարելավելու համար։
Source: 3dnews.ru
