Samsung-ը որոշել է փարատել Galaxy Fold ծալովի սմարթֆոնի դիմացկունության վերաբերյալ կասկածները՝ բացատրելով, թե ինչպես է փորձարկվում յուրաքանչյուր սարք։
Ընկերությունը տեսանյութ է տարածել, որում երևում է, որ Galaxy Fold սմարթֆոնները գործարանային սթրես-թեստերի են ենթարկվում, որոնք ներառում են դրանք ծալել, ապա բացել և նորից հետ ծալել:
Samsung-ը պնդում է, որ 1980 դոլար արժողությամբ Galaxy Fold սմարթֆոնը կարող է դիմակայել առնվազն 200 ճկման։ Իսկ եթե ճկման-ընդլայնման ցիկլերի թիվը չի գերազանցում օրական 000-ը, ապա դրա ծառայության ժամկետը կկազմի մոտ 100 տարի։
Սակայն, ինչպես գրում է Engadget-ը, հարցն այն չէ, թե արդյոք Galaxy Fold-ը կարող է ճիշտ ծալվել և բացվել, այլ այն, որ կան նաև էսթետիկ խնդիրներ, որոնք կարող են ազդել նոր արտադրանքի պահանջարկի վրա։
Նախ՝ սմարթֆոնը թղթի կտորի նման կատարյալ չի ծալվում, այն ծալելիս ունի երկու մասերի միջև փոքր բացվածք։ Երկրորդ, երբ բացվում է, Galaxy Fold էկրանի վրա հայտնվում է ծալք: Այն կարող եք տեսնել ստորև ներկայացված լուսանկարում:
Այնուամենայնիվ, դեռ պարզ չէ, թե ցուցադրման նման թերությունները որքանով կարող են ազդել սմարթֆոնների վաճառքի վրա: Հիշեցնենք, որ Samsung Galaxy Fold-ը ԱՄՆ-ում վաճառքի կհանվի ապրիլի 26-ին՝ 1980 դոլար գնով, Եվրոպայում դրա վաճառքը կսկսվի մայիսի 3-ին՝ 2000 եվրո գնով։
Source: 3dnews.ru