Չինական Xiaomi ընկերությունը հրապարակել է թիզեր, որում նշվում է, որ ապրիլի 1-ին տեղի կունենա խոշոր շնորհանդես։
Հաղորդվում է, որ միջոցառման շրջանակներում կհայտնվեն երկու տասնյակ նոր ապրանքներ: Ընդ որում, խոսքը ինչպես էլեկտրոնային սարքերի, այնպես էլ ՏՏ շուկայի հետ կապ չունեցող ապրանքների մասին է։
Մասնավորապես, ինչպես երեւում է նկարում, կներկայացվի նոր շարժական համակարգիչ Mi Notebook, վիրտուալ իրականության սաղավարտ, walkie-talkie, պահեստային մարտկոց եւ այլն։
Բացի այդ, թիզերում կարելի է տեսնել կշեռք, ջերմաչափ, սպորտային սարքավորումներ, ժամացույցներ, ակնոցներ և նույնիսկ ճամպրուկներ։
Սակայն հարկ է նշել, որ նման խոշոր հայտարարությունը կասկածելի է թվում։ Նշված ամսաթիվը՝ ապրիլի 1-ը, հուշում է, որ սա պարզապես կատակ է։
Այնուամենայնիվ, հնարավոր է, որ Xiaomi-ն դեռ շնորհանդես կանցկացնի հաջորդ ամսվա առաջին օրը։ Մնում է հուսալ, որ չինական ընկերությունն իսկապես կներկայացնի հետաքրքիր նոր ապրանքներ։
Source: 3dnews.ru