Huawei-ը վերջերս սկսել է վաճառել Mate X-ը Չինաստանում, որն ընկերության առաջին կոր սմարթֆոնն է և ներկայացվել է այս տարվա փետրվարին Բարսելոնայում կայացած Mobile World Congress-ում: Այժմ՝ սարքը շուկայում ձեռք բերելուց մի քանի շաբաթ անց, չինական հսկան հայտարարել է սմարթֆոնի վերանորոգման և տարբեր պահեստամասերի գները։ Էկրանի փոխարինումն ամենաթանկն է դարձել։
Էկրանի փոխարինումը, հասկանալի է, ամենաթանկն է, քանի որ սմարթֆոնն ունի ծալովի դիսփլեյ, սակայն գները շատ բարձր են պարզվել։ Ընկերությունը հայտնել է, որ Huawei Mate X-ի էկրանի փոխարինումը կարժենա 7080 յուան, որը մոտավորապես կազմում է 1007 դոլար։ Բացի այդ, մարտկոցի փոխարինումը կարժենա 278 յուան (40 դոլար), մայր տախտակը կարժենա 3579 յուան կամ 509 դոլար, իսկ տեսախցիկը կարժենա 698 յուան (99 դոլար):
Huawei Mate X-ն ունի մեծ 8 դյույմանոց էկրան՝ 2480 × 2200 պիքսել թույլատրությամբ՝ 8:7,1 կողմի հարաբերակցությամբ և բավականին բարակ շրջանակներով, երբ բացվում է։ Երբ ծալվում է, այն վերածվում է երկու էկրանով հեռախոսի։ Մի կողմն ունի 6,6 դյույմանոց (2480 x 1148 պիքսել) 19,5:9 էկրան, իսկ մյուս կողմն ունի 6,38 դյույմ (2480 x 892 պիքսել) 25:9 էկրան:
Սարքը գալիս է 8 ԳԲ օպերատիվ հիշողությամբ և 512 ԳԲ պահեստով: Այն աջակցում է երկու SIM քարտ (միայն նանո), բայց միայն SIM 1-ը կարող է աշխատել 5G ցանցերում։ Օգտատերը կարող է նաև երկրորդ SIM քարտը փոխարինել Huawei NM քարտով՝ մինչև 256 ԳԲ հզորությամբ։ Սարքը գալիս է 7 նմ Balong 5000 մոդեմով, որն ապահովում է 5G աջակցություն:
Հեռախոսն աշխատում է Android 9 Pie օպերացիոն համակարգով՝ EMUI 9.1.1 կեղևով, աջակցում է NFC, երկհաճախականության GPS, Bluetooth 5.0, Wi-Fi 802.11 b/g/n/ac և USB Type-C պորտ։ Mate X-ն ունի երկու ներկառուցված մարտկոց, որոնք առաջարկում են ընդհանուր լիցքավորման հզորություն 4500 մԱժ և աջակցում են SuperCharge տեխնոլոգիան մինչև 55 Վտ:
Source: 3dnews.ru