Ռուսաստանի Դաշնության կառավարության կողմից ստեղծված «Ռուսական որակի համակարգ» (Ռոսկաչեստվո) ոչ առևտրային կազմակերպությունը հրապարակել է ազդանշանի աղբյուրին լարային կապով ականջակալների վարկանիշը։
Ուսումնասիրությունն իրականացվել է Սպառողների թեստավորման կազմակերպությունների միջազգային ասամբլեայի (ICRT, International Consumer Research and Testing) մասնագետների հետ համատեղ:
Ձայնային ազդանշանի փոխանցման համակարգի որակը, ականջակալների ամրությունը և դրանց ֆունկցիոնալությունը գնահատելու համար օգտագործվել է հատուկ սարքավորում։ Իսկ ձայնի որակը և սարքի հարմարավետությունը փորձարկվել են անմիջապես մասնագետների կողմից:
Այսպիսով, հաղորդվում է, որ լարային ականջակալների հատվածում ձայնի որակի անվիճելի առաջատարը Sennheiser HD 630VB մոդելն է։ Սրանք միակ ականջակալներն են, որոնք առավելագույն միավոր են հավաքել աուդիո նվագարկման որակի համար:
Վարկանիշում երկրորդ տեղում է Bose SoundSport (iOs) սարքը, իսկ «բրոնզը» բաժին է ընկնում Sennheiser Urbanite I XL մոդելին։
Լարային մոդելների մեջ հարմարավետության առաջատարներն են Sennheiser Urbanite I XL, Bose QuietComfort 25 և Grado SR60e:
Ուսումնասիրության արդյունքների մասին լրացուցիչ տեղեկություններ կարելի է գտնել այստեղ:
Source: 3dnews.ru