Xiaomi Group China-ի նախկին նախագահ և Redmi ապրանքանիշի ղեկավար Լու Վեյբինգը խոսել է սմարթֆոնների Super Charge Turbo գերարագ լիցքավորման տեխնոլոգիայի մշակման հետ կապված դժվարությունների մասին։
Խոսքը մինչեւ 100 Վտ հզորություն ապահովող համակարգի մասին է։ Սա, օրինակ, ամբողջությամբ կլրացնի 4000 mAh մարտկոցը 0%-ից մինչև 100% ընդամենը 17 րոպեում։
Պարոն Վեյբինգի խոսքով՝ Super Charge Turbo համակարգի գործնական կիրառումը հղի է մի շարք դժվարություններով։ Մասնավորապես, բարձր հզորությունը կարող է հանգեցնել մարտկոցի հզորության կորստի:
Բացի այդ, առաջանում են անվտանգության լրացուցիչ պահանջներ։ Սա նշանակում է, որ փոփոխությունը կազդի շարժական սարքերի գրեթե բոլոր տարրերի վրա՝ մայր տախտակից մինչև լիցքավորման միավորների իրական դիզայնը:
Սպասվում էր, որ Xiaomi-ի առաջին սմարթֆոնները Super Charge Turbo-ի աջակցությամբ կհայտնվեն անցյալ տարի։ Սակայն ավելի ուշ հայտնի դարձավ, որ նրանց մուտքը շուկա հետաձգվել է։
Պարոն Վեյբինգը չի նշել 100 վտ հզորությամբ գերլիցքավորման գործնական իրականացման ժամկետները։ Տեխնոլոգիայի կոմերցիոնացումը կարող է հետաձգվել մինչև հաջորդ տարի։
Source: 3dnews.ru