Google-მა გადაწყვიტა გაეფრთხილებინა Microsoft Edge-ის მომხმარებლები Chrome Web Store-ის გაფართოებების საშიშროების შესახებ

ახალი Microsoft Edge ბრაუზერი, ისევე როგორც Google Chrome, იყენებს Chromium ძრავას, რაც ნიშნავს, რომ მას შეუძლია იმუშაოს მრავალი არსებული Chrome გაფართოებით. თუმცა, როდესაც ცდილობთ Google Web Store-ის გამოყენებას Edge ბრაუზერთან ერთად, შეიძლება შეგხვდეთ შეტყობინება, რომელიც მოგთხოვთ გადახვიდეთ Chrome-ზე.

ორიგინალური Edge გაშვებული იყო Windows 10-ით, მაგრამ არასოდეს მოიპოვა პოპულარობა Windows-ის მომხმარებლებში. მაიკროსოფტი ცდილობდა აიძულოს მომხმარებლები გამოიყენონ Edge დაშინების ტაქტიკისა და შემაშფოთებელი ამომხტარი ფანჯრების გამოყენებით. მაგრამ არ უშველა. ახლა კი Google იყენებს მსგავს ტაქტიკას Microsoft-ის წინააღმდეგ ბრძოლაში.

განახლებულ Edge ბრაუზერს აქვს შესაძლებლობა დააინსტალიროს გაფართოებები მესამე მხარის წყაროებიდან. Microsoft-ს აქვს საკუთარი გაფართოების მაღაზია, მაგრამ ის ბევრად უფრო მცირეა, ვიდრე Chrome Web Store. თუმცა, თუ გადახვალთ Chrome Web Store-ში Edge-ის გამოყენებით, დაინახავთ პატარა ამომხტარ ფანჯარას, რომელშიც ნათქვამია, რომ Chrome-ზე გადართვა საუკეთესო საშუალებაა „გაფართოებების უსაფრთხოდ გამოყენებისთვის“.

Google არ განმარტავს რა არის უსაფრთხოების პრობლემა. საბედნიეროდ, შეგიძლიათ უგულებელყოთ ეს გაფრთხილება და გააგრძელოთ გაფართოებების ინსტალაცია Edge-ში.

ეს ყველაფერი ცოტათი ჰგავს Windows 10-ის ამომხტარ ფანჯრებს, რომლებიც გეუბნებოდნენ, რომ Chrome-ის გამოყენება უარყოფითად აისახება თქვენს ენერგომოხმარებაზე. თუმცა Google-ისთვის ასეთი „ინფორმირება“ ასევე არ არის სრულიად ახალი ტაქტიკა. ის ზოგჯერ „აფრთხილებს“ სხვა ბრაუზერების მომხმარებლებს, რომლებიც იყენებენ მის პროდუქტებს, რომ Chrome უკეთ მუშაობს ამ სერვისებთან.

საინტერესოა, რომ Opera და Brave ბრაუზერები, რომლებიც ასევე იყენებენ Chromium ძრავას, არ აჩვენებს რაიმე გაფრთხილებას Google-ის ონლაინ მაღაზიის მონახულებისას.

წყარო: 3dnews.ru