ჩინეთი ჰუბეის პროვინციაში კარანტინს 25 მარტს, უხანში კი 8 აპრილს მოხსნის

ონლაინ წყაროების ცნობით, ჩინეთის ხელისუფლება 25 მარტს მოხსნის შეზღუდვებს მოგზაურობაზე, ასევე ჰუბეის პროვინციიდან შესვლასა და გასვლაზე. პროვინციის დედაქალაქ უხანში შეზღუდვები 8 აპრილამდე დარჩება ძალაში. ამის შესახებ იტყობინება საინფორმაციო სააგენტო TASS ჰუბეის პროვინციის ჯანდაცვის კომისიის მიერ გამოქვეყნებულ განცხადებაზე დაყრდნობით.

სააგენტოს განცხადებაში ნათქვამია, რომ კარანტინის მოხსნის გადაწყვეტილება პროვინციაში ეპიდემიოლოგიური ვითარების გაუმჯობესების ფონზე მიიღეს. „25 მარტს, დილის 19:00 საათიდან (მოსკოვის დროით საღამოს 00:00 საათიდან), უხანის რეგიონის გარდა, ჰუბეის პროვინციაში საგზაო შეზღუდვები მოიხსნება და აღდგება შემომავალი და გამავალი მოძრაობა. ჰუბეიდან გასული ადამიანები მგზავრობას ჯანმრთელობის კოდექსის საფუძველზე შეძლებენ“, - ნათქვამია ჯანდაცვის ეროვნული კომისიის განცხადებაში. ჯანმრთელობის კოდექსი, ანუ „ძიანკანმა“, არის პროგრამა, რომელიც აფასებს ადამიანების ინფექციის რისკს მათი გადაადგილების მიხედვით.  

რაც შეეხება ჰუბეის პროვინციის დედაქალაქ უხანს, შეზღუდვები მთელ ქალაქში 8 აპრილის შუაღამემდე დარჩება ძალაში. ამის შემდეგ გაიხსნება სატრანზიტო გზები, აღდგება ტრანსპორტი და ხალხს შეეძლება ქალაქში შესვლა და გასვლა.

შეგახსენებთ, რომ უხანსა და ჰუბეის პროვინციაში კარანტინი კორონავირუსის აფეთქებით იყო გამოწვეული და 23 იანვრიდან გაგრძელდა.

წყარო: 3dnews.ru