მინგ-ჩი კუო: მაკრატლისებრი კლავიატურის მექანიზმის მქონე MacBook მეორე კვარტალში გამოჩნდება

Apple-ი მალე გეგმავს ახალი MacBook Pro-სა და MacBook Air-ის მოდელების წარდგენას მაკრატლის ტიპის კლავიატურებით.

TF International Securities-ის ცნობილი ანალიტიკოსის მინგ-ჩი კუოს პროგნოზის თანახმად, რომელიც ინვესტორებისთვის განკუთვნილ ანალიტიკურ ჩანაწერშია მოცემული, Apple-ის ახალი პროდუქტები მაკრატლისებრი კლავიატურის მექანიზმით 2020 წლის მეორე კვარტალში გამოჩნდება.

გასულ წელს კომპანიამ გამოუშვა 16 დიუმიანი MacBook Pro, რომელმაც არასანდო პეპლის ფორმის კლავიატურის ნაცვლად უფრო ნაცნობი მაკრატლის ფორმის Magic Keyboard დააბრუნა.

მინგ-ჩი კუომ ასევე ცოტა უფრო დეტალურად ისაუბრა Apple-ის დიდი ხნის ნანატრ ARM პროცესორებზე გადასვლაზე. ანალიტიკოსის თქმით, Apple-ის მიერ შექმნილი პროცესორებით აღჭურვილი MacBook-ის მოდელები შესაძლოა გაყიდვაში 2020 წლის მეოთხე კვარტალში ან 2021 წლის პირველ კვარტალში გამოვიდეს.

წყარო: 3dnews.ru